ENGLISH
04 އޭޕްރީލު 2025
އެފްއެސްއެމްގެ މެނޭޖިންގ ޑިރެކްޓަރަކަށް އާޝާން އައްޔަންކޮށްފި
15 ޑިސެމްބަރު 2024
|
އެފްއެސްއެމްގެ މެނޭޖިންގ ޑިރެކްޓަރުގެ މަގާމުގެ ލިޔުން އެ ކުންފުނީގެ ޗެއާމަން މުޙައްމަދު ނިޒާމް ހަވާލުކޮށްދެއްވަނީ. --ފޮޓޯ:އެސްޓީއޯ
އެންމެ މަޤްބޫލު
އެސްޓީއޯގެ ބޯޑު ކުރީގެ މެންބަރު ފާތިމަތު އާޝާން ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރުގެ މަގާމަށް މިއަދު އައްޔަން ކޮށްފިއެވެެ.
މިއީ އެސްްޓީއޯގެ ދަށުން ހިންގާ ކުންފުނީގެ މެނޭޖިން ޑިރެކްޓަރަކަށް އަންހެން ބޭފުޅަކު އައްޔަންކުރެއްވި ފުރަތަމަ ފަހަރެވެ. އާޝާން ވަނީ އެސްޓީއޯގެ ސީނިއާ ޖެނެރަލް މެނޭޖަރުކަމާއި މިފްކޯގެ ޑެޕިއުޓީ ސީއީއޯގެ މަގާމު ވެސް އަދާކުރައްވައިފައެވެ.
އެފްއެސްއެމްގެ އެމްޑީގެ މަގާމު ހުސްވީ އެ މަގާމަށް ޑިސެމްބަރު 5، 2023 ގައި އައްޔަނު ކުރި އިސްމާއިލް ސުހައިލް މިދިޔަ ނޮވެމްބަރު 26، ގައި މަގާމުން އިސްތިއުފާ ދެއްވުމާ ގުޅިގެންނެވެ.
އާޝާން (ކ) އެސްޓީއޯގެ އެމްޑީ ޝިމާދު އަދި ސީއެފްއޯ ނިޒާމްއާ އެކު. --ފޮޓޯ: އެސްޓީއޯ
އެފްއެސްއެމްއަކީ އެސްޓީއޯގެ ސަބްސިޑަރީ ކުންފުންޏެކެވެ. ތެޔޮ އިމްޕޯޓުކޮށް ރާއްޖޭގެ އެކި ކަންކޮޅުތަކަށް އެ ތެޔޮ ފޯރުކޮށްދެނީ އެފްއެސްއެމްއިންނެވެ.
އާޝާން ވަނީ ކުރިން އެސްޓީއޯގެ ޖެނެރަލް މެނޭޖަރުކަމުގެ މަގާމާއި އެޗްއާރުގެ ހެޑްކަން އަދި މިފްކޯގެ ޑެޕިއުޓީ ސީއީއޯގެ މަގާމު ވެސް ފުރުއްވާފަ އެވެ.
އާޝާން ވަނީ 1993 އިން 1994 އަށް އޮސްޓްރޭލިއާގެ ހޯބާޓް އިންސްޓިޓިއުޓް އޮފް ޓެކްނިކަލް އެންޑް ފާދާ އެޑިއުކޭޝަންގައި ފުރިހަމަ ކުރެއްވި ބިޒްނަސް (އިންފޮމޭޝަން ޓެކްނޮލޮޖީ) ޑިޕްލޮމާ ކޯހުން އެ އިންސްޓިޓިއުޓްގެ އެންމެ މޮޅު ގްރެޖުއޭޓްގެ މަގާމު ހޯއްދަވައި 1995 ގައި ސަރުކާރުން ދެއްވާ ހާއްސަ އިނާމު ހާސިލް ކުރައްވާފަ އެވެ.
އޭގެއިތުރުން އާޝާން ވަނީ މެލޭޝިޔާގެ ކޭޑީޔޫ ކޮލެޖުގައި 2002 އިން ފެށިގެން 2003 އަށް ފުރިހަމަ ކުރެއްވި މާސްޓާސް އޮފް ބިޒްނަސް އެޑްމިނިސްޓްރޭޝަން ކޯހުން އެއްވަނަ ހޯއްދަވައި 2004 ގައި ސަރުކާރުން ދެއްވާ ހާއްސަ އިނާމު ވެސް ހާސިލް ކުރައްވާފަ އެވެ.