ހޫނުގަދަ ދުވަސްވަރަކަށް ވާތީ ރައްކާތެރިކަމުގެ ފިޔަވަޅު އަޅަން ސްކޫލްތަކުން އިލްތިމާސްކޮށްފި އެވެ.

ރާއްޖޭގެ އެކި ހިސާބުތަކަށް އިހުސާސް ކުރެވޭ ހޫނުމިން 40 ޑިގްރީ ސެލްސިއަސްއާ ގާތްކުރާ ކަމަށް މޫސުމާ ބެހޭ އިދާރާއިން ހާމަކުރުމާއެކު މި ދުވަސްވަރު އެކްޓިވިޓީ ޔުނީފޯމުގައި ދަރިވަރުން ސްކޫލަށް ހާޒިރުވާން ސުކޫލުތަކުން ވަނީ އަންގާފަ އެވެ. 

ރާއްޖޭގައި މިހާރު އެންމެ ހޫނު ގަދަ ދުވަސްތައް ކުރިމަތިވަމުން އަންނަ އިރު، މި ދުވަސް މި މަހުގެ ނިޔަލަށްވެސް ދެމިގެންދާނެ ކަމަށް ބެލެވޭ ކަމަށާއި މި ދަނޑިވަޅުގައި ސްކޫލުން ވަނީ ހުރިހާ ދަރިވަރުންނާއި ބެލެނިވެރިންނާއި މުވައްޒަފުންނަށް އަޅަންޖެހޭ ރައްކާތެރިކަމުގެ ފިޔަވަޅުތައް އެޅުމަށް އައްޑޫ ސިޓީގައި ހުންނަ އިރުޝާދިއްޔާ ސްކޫލުން އެ ސްކޫލުގެ ދަރިވަރުންނާއި ބެލެނިވެރިން އަދި މުވައްޒަފުންނަށް އިލްތިމާސްކޮށްފައިވެއެވެ.

"ކުދިން ސްކޫލަށް އަންނަނީ ރަނގަޅަށް ހައިޑްރޭޓްކޮށް، އެކަށީގެންވާ ވަރަށް ފެން ގެނެސް، ސީދާ އިރުގެ އަލިން ދުރުހެލިވިޔަ ނުދިނުމަށެވެ. މި ހޫނު މޫސުމުގައި އަޅުގަނޑުމެންގެ ދަރިވަރުން ރައްކާތެރި، ދުޅަހެޔޮ އަދި އަރާމު ދިރިއުޅުމެއް ހޯދައިދިނުމަށް އެންމެން ގުޅިގެން މަސައްކަތް ކުރަން". އެ ސްކޫލުން ކުރި ޕޯސްޓެއްގައި ބުނެފައިވެ އެވެ.

ހޫނު ރައްކާތެރިވުމަށް ކުރެވިދާނެ ކަންތައްތައް ވެސް ކަމާ ބެހޭ އިދާރާތަކުން އަންނަނީ ރައްޔިތުންގެ ސަމާލުކަމަށް ގެންނަމުން ނެވެ. 

އޭޕްރީލް މަހުގެ މެދަކާ ހަމައަށް މި ހޫނު ދެމިގެންދާނެ ކަމަށް މެޓު އޮފީހުން ބުނެފައިވެއެވެ.