ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީގެ ފަރާތުން ވާދަކުރާ ކެންޑިޑޭޓުން މަގުމަތިކޮށްފައިވާކަމަށާއި އެމްޑީޕީގެ މުޅި ފޯކަސް ހުރީ 2028 ވަނަ އަހަރު ބާއްވާ ރިޔާސީ އިންތިހާބު ކާމިޔާބުކުރަންކަމަށް އިގްތިސާދީ ތަރައްގީއާ ވިޔާފާރިއާ ބެހޭ ވަޒީރު މުހައްމަދު ސައީދު ވިދާޅުވެއްޖެ އެވެ. 

ކޮންްގްރެސް ޕާޓީގެ ފަރާތުން ނ.ވެލިދޫގައި ބޭއްވި ކެމްޕެއިން ހަރަކާތުގައި ވާހަކަފުޅު ދައްކަވަމުން ވަޒީރު ވިދާޅުވީ އެމްޑީޕީގެ ވެރިން އިސްނަގައިގެން ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީގެ ފަރާތުން ވާދަކުރާ ކެންޑިޑޭޓުން ޕްރޮމޯޓުކުރާ ތަން މިއަދު ނުފެންނަ ކަމަށެވެ. 

އެމްޑީޕީން އެ ޕާޓީއަކީ ޑިމޮކްރެޓިކް ޕާޓީއެއްގެ ގޮތުގައި ވަކާލާތު ކުރަމުން އަންނާތީ ވަޒީރު ވަނީ ވަރަަށް ބޮޑަށް ފާޑު ވިދާޅުވެފަ އެވެ. 

ކައުންސިލުތަަކަކީ ސަރުކާރު ވައްޓާލަން މަސައްކަތް ކުރަންޖެހޭ ބައެއް ނޫންކަމަށާާއި ކައުންސިލުތަކަކީ ރަށުގެ ތަރައްގީއަށް ސަރުކާރާ އެކު ކުރިއަށްދާން ތިބި ބައެއްކަމަށް ވަޒީރު ވިދާޅުވި އެވެ. 

ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީގެ ފަރާތުން ވާދަކުރާ ކެންޑިޑޭޓުން މަގުމަތިކޮށްފައިވާކަމަށާއި އެމްޑީޕީގެ މުޅި ފޯކަސް ހުރީ 2028 ވަނަ އަހަރު ބާއްވާ ރިޔާސީ އިންތިހާބު ކާމިޔާބުކުރަންކަމަށް ވަޒީރު ވިދާޅުވިއިރު 2028 ގައި އެ ޕާޓީގެ ފަރާތުން ވާދަކުރާނެ ކެންޑިޑޭޓަކު ކަނޑައެޅުމުގެ މައްސަލައިގައި ޕާޓީގެ އެތެރޭގައި މީގެ ކުރިންވެސް ވަނީ ހަމަނުޖެހުން އުފެދިފަ އެވެ. 

ޕާޓީގެ ލީޑަރޝިޕްގައި ހިމެނޭ އިސް ބޭފުޅުން މިހާރު ވެސް ފާޅުގައްޔާއި ސިއްރިއްޔާތުގައި ކެމްޕެއިން ކުރަމުންދާއިރު ލޯކަލް ކައުންސިލް އިންތިހާބުގެ ފޯރި އެމްޑީޕީގެ އެތެރޭގައި ވަރަށް ކުޑަކަމަށް ބައެއް ބޭފުޅުން ދެކެއެވެ.