މި އަހަރު ދައުލަތުގެ އާމްދަނީއަށް، މިދިޔަ އަހަރު ލިބުނު ވަރަށްވުރެ އިތުރަށް 100 މިލިއަން ޑޮަލަރު ލިބިފައިވާ ކަމަށް ޓެކްސް އިދާރާ، މީރާގެ ހިސާބުތަކުން ދައްކައިފިއެވެ.

މީރާގެ ތަފާސް ހިސާބުތަަކުން ދައްކާ ގޮތުގައި، މިދިޔަ އަަހަރުގެ ނޮވެމަބަރު މަހުގެ ނިޔަލަށް 952.5 މިލިއަން ޑޮލަރު ޓެކްސް އާއި އެނޫން އާމްދަނީގެ ގޮތުގައި ވަނީ ލިބިފައެވެ. އެއީ މިދިޔަ އަހަރުގެ ނޮވެމްބަރު މަހުގެ ނިޔަލަށް ލިބުނު 851.8 މިލިއަން ޑޮލަރަށްވުރެ، ގާތްގަނޑަކަށް 12 އިންސައްތަ އިތުރު އަދަދެކެވެ. 

މި އަހަރު ޑޮލަރު އާމްދަނީ އެންމެ ބޮޑަށް އިތުރުވެފައިވާކަމަށް ފާހަގަ ކުރެވެނީ، ޑިޕާޗާ ޓެކްސް އާއި އެއާޕޯޓް ޑިވެލޮޕްމަންޓް ފީ އާއި އަދި ރިސޯޓް ތަރައްގީކުރުމަށް އަލަށް ރަށްތައް ކުއްޔަށް ދޫކޮށްގެން ލިބުނު އާމްދަނީންނެވެ. ރިސޯޓްތައް ކުއްޔަށްދީގެން މިދިޔަ އަހަރުގެ ނޮވެމްބަރު މަހުގެ ނިޔަލަށް ތިން މިލިއަން ޑޮލަރު ލިބުނުއިރު، މި އަހަރު އެ އަދަދު ވަނީ 23.5 މިލިއަން ޑޮލަރަށް އިތުރުވެފައެވެ. 

ދައުލަތުގެ ޖުމްްލަ އާމްދަނީއަށް މީރާ މެދުވެރިކޮށް މިއަހަރުގެ ނޮވެމްބަރު މަހުގެ ނިޔަލަށް 25.5 ބިލިއަން ރުފިޔާ ލިބިފައިވެއެވެ. އެއީ މިދިޔަ އަހަރަށްވުރެ ތިން ބިލިއަން ރުފިޔާ އިތުރު އަދަދެކެވެ.