ތެލަސީމިއާ ސޮސައިޓީގެ ކުރީގެ ޗެއާޕާސަން އަބްދުލް މުޢިއްޒު ހަސަން ނިޔާވެއްޖެ އެވެ.

މުޢިއްޒު ނިޔާވީ ސިއްޙީ ޙާލަތު ގޯސްވެ އައިސީޔޫގައި ފަރުވާ ދެމުން ދަނިކޮށެވެ. މީގެ ކުރީން ވެސް ސިއްޙީ ޙާލަތު ގޯސްވެ ރާއްޖެއިން ބޭރުން ވެސް ފަރުވާ ހޯއްދި އެވެ.

ތެލެސީމިއާ އާއިލާގެ ޙައްޤުގައި އެންމެ ބޮޑަށް ވަކާލާތު ކުރަމުން އައި އެކަކީ މުޢިއްޒު އެވެ. ތެލެސީމިއާ ކުދީންނާއި މީހުން ގުޅިގެން އުފައްދާފައިވާ ތެލަސީމިއާ ސޮސައިޓީގެ ރައީސްގެ މަޤާމުގައި ހުންނަވާ ވަރަށް ގިނަ ޚިދުމަތްތައް ކޮށްދެއްވި އެވެ.