ކޮމިޝަނަރު އޮފް ޕޮލިސްގެ މަޤާމަށް ކުރިމަތިލުމަށް ހުޅުވާލައިފި އެވެ.

ދާޚިލީ ސަލާމަތާއި ފަންނިއްޔާތާބެހޭ ވުޒާރާއިން މިއަދު ބުނި ގޮތުގައި ކޮމިޝަނަރު އޮފް ޕޮލިސްގެ މަޤާމަށް ކުރިމަތިލުމަށް މިހާރު ވަނީ ހުޅުވާލާފަ އެވެ.

އެ މަޤާމަށް ކުރިމަތިލެއްވީ އެސިސްޓެންޓް ކޮމިޝަނާ އޮފް ޕޮލިސްގެ ރޭކުން ފެށިގެން މަތީ ރޭންކުތަކުގައި މިވަގުތު ތިބި އޮފިސަރުންނަށެވެ.

ސީޕީގެ މަޤާމަށް ކުރިމަތިލުމުގެ ފުރުސަތު އޮންނާނީ މި މަހުގެ 23 ވަނަ ދުވަހުގެ ނިޔަލަށެވެ.

ކޮމިޝަނަރު އޮފް ޕޮލިސްގެ މަޤާމުގައި އެންމެ ފަހުން ހުންނެވި އިސްމާއީލް ނަވީން އެވެ. ނަވީން ވަނީ ޝަރަފުވެރިކަމާއެކު ފުލުހުންގެ ޚިދުމަތުން ވަކިވެވަޑައިގެންފަ އެވެ.