ޖުމްހޫރީ މައިދާނާއި ސަލްޓަން ޕާކުގެ އިތުރުން ސުނާމީ ބިނާ ސަރަހައްދުގެ މަސައްކަތް އީދު ދުވަހަށް ނިންމުމަށް މަސައްކަތް ކުރަމުންދާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ކޮންގްރެސް ޕާޓީގެ ދިވެހިންގެރާއްޖެ ތަރާވީސް ޝަރަފުވެރިކޮށްދެއްވައި ދެއްކެވި ވާހަކަފުޅުގައި ރައީސް ވަނީ އެމަނިކުފާނު ހައުސިން މިނިސްޓަރުކަމާއި މާލޭގެ މޭޔަރުކަމުގައި ހުންނަވައިގެން ތަރައްގީކުރެއްވި ޕާކުތައް ވީރާނާވެފައިވާތީ އަލުން އެތަންތަން ތަރައްގީކުރަން ފެށީ މީގެ ދެ އަރަހެއްހާ ދުވަހުގެ ކުރިން ކަމަށެވެ. 

މަރާމާތަށް ފަހު ޖުމްހޫރީ މައިދާނާއި ސަލްޓަން ޕާކު އަދި ސުނާމީ ބިނާ މައިޒާން ޢީދަށް ހުޅުވަން މަސައްކަތް ކުރަމުން އަންނަކަމަށް އެމަނިކުފާނު ވިދާޅުވި އެވެ. 

މަރާމާތުގެ މަސައްކަތްތަކަށް ސަލްޓަން ޕާކާއި ޖުމްހޫރީ މައިދާން ބަންދުކޮށްގެން މަސައްކަތް ފެށީ މިދިޔަ އޮގަސްޓު މަހުގެ ތެރޭގައެވެ. ޖުމްހޫރީ މައިދާނުގެ މަސައްކަތްތައް ގާތްގަނޑަކަށް ނިމުމަކާ ހަމައަށް އައިސްފައިވާއިރު އެ ތަނުގެ ބައެއް އާއްމުންނަށް ވަނީ މިހާރު ހުޅުވާލާފަ އެވެ. 

މާލޭގެ ޕާކުތަކާއި މައިޒާންތައް އާބާތުރަފިލުވައި މަރާމަތުކޮށް ބެލެހެއްޓުމަކީ ރައީސުލްޖުމްހޫރިއްޔާ މާލޭގެ މޭޔަރަކަށް ހުންނެވި ދުވަސްވަރު ވަރަށް ބޮޑަށް އިސްކަން ދެއްވި ކަންކަމެވެ.