ENGLISH
04 އޭޕްރީލު 2025
ތިލަފުއްޓަށް ވިޔަފާރި ބަނދަރު ބަދަލު ކުރެވުމުން މުދަލުގެ އަގުހެޔޮވާނެ: އެމްޕީއެލް
10 ޑިސެމްބަރު 2024
|
އިހަވަންދިއްޕޮޅުގައި ބޯޓަކަށް ބަންްކަރިން ޚިދުމަތް ދެނީ-- ފޮޓޯ/ އެމްޕީއެލް
އެންމެ މަޤްބޫލު
މާލޭ ވިޔަފާރި ބަނދަރު ތިލަފުއްޓަށް ބަދަލު ކުރެވުމުން، ބާޒާރުގައި މުދަލުގެ އަގު ހެޔޮވާނެ ކަމަށް މޯލްޑިވްސް ފޯޓްސް ލިމިޑެޓް (އެމްޕީއެލް) ގެ ސީއީއޯ މުޙައްމަދު ވަޖީހު އިބްރާހިމް ވިދާޅުވެއްޖެއެވެ.
އެމްްއެމްޓީވީގެ "ރައްޔިތުންގެ ދިފާޢުގައި" ޕްރޮގްރާމުގައި ވަހަކަ ދައްކަވަމުން، ވަޖީހު ވިދާޅުވީ މާލޭގައި އޮތް ފަސް ހެކްޓަރުގެ ކުޑަ ބަނދަރާއި ހުޅުމާލެ ވިޔަފާރި ބަނދަރު ފުރުމުގެ ސަބަބުން މުދާ ބޭލުމަށް ބޯޓު ފަހަރު ގިނަ ދުވަހު މަޑުކުރަން ޖެހޭ ކަމަށެވެ. ތިލަފުށީ ބަނދަރު 2027 ގައި ނިމުމުން، ގިނަވެގެން 24 ގަޑިއިރުގެ ތެރޭގައި ބޯޓު ހުސްކުރެވި، ބާޒާގައި މުދަލުގެ އަގު ހެޔޮވުމަށް ފުރުޞަތު ލިބިގެންދާނެ ކަމަށެވެ.
"ފަސް ދުވަސް ހަ ދުވަސް ހަތް ދުވަސް ވީމަ އެއީ ވަރަށް ބޮޑު އަދަދެއް، ދުނިޔޭގެ އެއްވެސް ޤައުމެއްގައި އެހާ ގިނަ ދުވަހެއް ނުވާނެ ބޯޓު ފަހަރު ހުސް ކުރާކަށް، ތިލަފުއްޓަށް ބަދަލު ކުރެވުނީމަ 18 ގަޑިން 12 ގަޑިން ގިނަ ވެގެން 25 ގަޑިއިރު ތެރޭގައި ބޯޓު ފަހަރު ހުސްކޮށްލާފައި ދޫކޮށް ލެވެނޭނެ،" އޭނާ ވިދާޅުވިއެވެ.
ތިލަފުށީގައި ބަނދަރު ހެދުމަށް އެމްޕީއެލްއަށް ދޫކޮށްފައިވާ 60 ހެކްޓަރުގެ ބޭނުން ހިފަން ފަށައި، އެތަނުގައި ހުސް ކޮންޓޭނަރު ބެހެއްޓުމާއި، އަދި ބޮންޑެޑް ވެއާ ހައުސްގެ ޚިދުމަތް ވަރަށް އަވަހަށް ދޭން ފަށާނެ ކަމަށް ވަޖީހު ވިދާޅުވި އެވެ.
ވަޖީހު ވިދާޅުވި ގޮތުގައި ރައީސް ޑރ. މުހަޢްމަދު މުޢިއްޒު، ފެއްޓެވި ސީ-ޓު-އެއާ ކާގޯ އާއި ބަންކަރިން ޚިދުމަތަކީ ދުވަހެއް ދުވަހަކަށް ފުޅާކުރެވި އެކަމުން ރާއްޖެގެ އިޤްތިސާދަށް ކުރިއެރުން އަންނާނެ ކަމަށެވެ.
"ރައީސްގެ ވެރިކަމުގެ ކުރީ ކޮޅުގައި އެކަން މިދިޔަ މޭ މަހުގަ އެ މަސައްކަތް ފެށުނީ، ފަށައިގެން މިއަދު އެއޮތީ ފުލްކޮށް އެ މަސައްކަތް ކުރެވޭ ގޮތަށް. މިއީ އިޤްތިސާދަށް ވަރަށް މަންފާ ކުރާނެ މަސައްކަތެއް. ކުރިއަށް އޮތްތަނުގައި ފުޅާވަމުންދާނީ،" ވަޖީހު ވިދާޅުވި އެވެ.
ރާއްޖޭގެ އިހަވަން ދިއްޕޮޅުގައި މިއަހަރުގެ ސެޕްޓެމްބަރ މަހު ފެށި ބަންކަރިން ޚިދުމަތް މުޅި ރާއްޖެ އަށް ފުޅާ ވެގެން ދާނެ ކަމަށްވެސް ވަޖީހު ވިދާޅުވި އެވެ.
"މިހާރު ހުޅުވިފައި އޮތީ ހަމައެކަނި އުތުރަށް، މިހާރު މި އުޅެނީ މާލެ ސަރަހައްދާއި ލ. ސަރަހައްދާއި އައްޑުއަށް ވެސް އެކަން ފަށަން ވެގެން، ފެށުނީމަ ވަރަށް ބޮޑު މާކެޓެއް، އިގްތިސާދަށް ވަރަށް ބޮޑު މަންފާ ކުރާނެ ކަމެއް،" އޭނާ ވިދާޅުވިއެވެ.
އާގު ބޯޓު ފަހަރަށް ތެލާއި ފެނާއި އެހެނިހެން ޚިދުމަތްތައް ފޯރުކޮށްދިނުމަކީ، ސިޕިން އިންޑަސްޓްރީގެ އިތުރުން ޓޫރިޒަމް އިންޑަސްޓްރީ އަށް ވެސް ނުހަނު ފައިދާކުރާ ކަމެއްކަން ވަޖީހު ފާހަގަ ކުރެއްވިއެވެ.