މިދުވަސްވަރު ޑެންގީ ހުން ފެތުރެމުންދާ މިންވަރު އިތުރުވަމުންދާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

މި ދުވަސްވަރަކީ ޑެންގީ ހުން ވަރަށް ބާރަށް ފެތުރެމުންދާ ދުވަސްވަރަކަށް ވެފައި އާންމުން ބޭރުތެރޭގައި ގިނައިން ނުކުމެ އުޅޭ ދުވަސްވަރަކަށް ވާތީ ސަމާލުވާން ވެސް އެ އެޖެންސީން ވަނީ އިލްތިމާސް ކޮށްފަ އެވެ.

އެގޮތުން އެޗްޕީއޭ އިން އެކްސްގައި ކުރި ޕޯސްޓެގައި ވަނީ، ޑެންގީ ހުމާއި ބެހޭ މައުލޫމާތު ހިއްސާކޮށްފައެވެ.

ޑެންގީ ހުމަކީ ވައިރަހެއްގެ ޒަރީއާއިން ޖެހޭ ބައްޔެކެވެ. އެގޮތުން ޑެންގީ ވައިރަސް ފެތުރެނީ ޑެންގީ ޖެހިފައިވާ މީހެއްގެ ގައިގައި އީޑީސް މަދިރި ހެފުމަށްފަހު، މި މަދިރި ގޮސް އަނެކާގެ ގައިގައި ހެފުމުންނެވެ.

މި މަދިރި ހަފާތާ 2 ދުވަހާއި 7 ދުވަސްތެރޭ އަލާމާތްތައް ފެންނާނެ އެވެ.

ޑެންގީގެ އާންމުކޮށް ފެންނަ އަލާމާތްތައް

ޑެންގީގެ އެންމެ ނުރައްކާތެރި އަލާމާތްތައް

ޑެންގޫ ޖެހުމުން ވީހަވެސް ގިނައިން އަރާމުކޮށް، ހަށިގަނޑަށް ފައިދާ ހުރި ކާނާ ބޭނުންކުރުމާއި ގިނައިން ދިޔާ ތަކެތި ބޭނުންކުރުމުގެ އިތުރުން ހުން މަޑުކުރުމަށާއި ގައިގައި ރިއްސުން ކުޑަކުރުމަށް ޕެނަޑޯލް ނުވަތަ ޕެރެސެޓަމޯލް ފިޔަވާ އެހެން ބޭހެއް ބޭނުން ނުކުރުމަށް އެޗްޕީއޭ އިން ވަނީ އިލްތިމާސްކޮށްފައެވެ. އަދި 3 ދުވަހަށް ވުރެ ގިނަދުވަހު ހުން އަންނަ ނަމަ ލަސްނުކޮށް ސިއްހީ ފަރުވާ ހޯދަން ވެސް އެދިފައިވެއެވެ.

ޑެންގީއިން ރައްކާތެރިވުމަށް/ މަދިރި ހެފުމުން ރައްކާތެރިވުމަށް:

މަދިރިން ރައްކާތެރިވުމަށް އެންމެ މުހިންމު އެއް ކަމަކީ މަދިރި އުފެދޭ ފަދަ ތަން ތަން ނުވަތަ ތަކެތި ނައްތާލުމެވެ. އީޑީސް މަދިރި ބިސްއަޅާ އެންމެ ގިނައިިން އާލާވަނީ ސާފު ފެންްހަރުލާ ތަންތަނުގައެވެ. މަދިރި ފަނި އަޅާފައި ހުންނަ ތަކެތީގެ ފެން ހުސްކުރިޔަސް،  އެތަކެތީގައި މަދިރި ބިސް ހަރުލާފައި ހުރެއެވެ. އަދި ހަލާކުނުވެ 6 މަސްދުވަހަށްވުރެ ގިނަ ދުވަހުހުރެއެވެ. މިފަދަ ތަކެތި ސާފުކޮށްފައި ބެހެއްޓުން ވަރަށް މުހިންމެވެ.