1447 ވަނަ އަހަރުގެ ރަމަޟާން މަހާއި ޝައްވާލް މަހުގެ ފުރަތަމަ 7 ދުވަސްތަކުގެ ތެރެއިން މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ޚިދުމަތްތައް ލިބޭނެ ގަޑިތައް އާންމުކޮށްްފިއެވެ.

ސަރުކާރު ބަންދު ދުވަސް ފިޔަވަައި ކޮންމެ ދުވަހަކު އެމްއެމްއޭގެ ޚިދުމަތްތައް ލިބެމުންދާނެއެވެ.

އެމްއެމްއޭއިން ބުނީ އެ އޮތޯރިޓީ ހުޅުވާފައި ހުންނާނީ، ހެނދުނު 09:00 އިން މެންދުރުފަހު 01:00 އާ ހަމައަށް ކަމަށެވެ.

އެ އޮތޯރިޓީގެ ބޭންކިންގ ޚިދުމަތްތަކާއި، ސިޓީއާއި ތަކެތި ބަަލައިގަތުމަށް ހަމަޖެހިފައިވާ ވަގުތަކީ ހެނދުނު 09:30 އިން ފެށިގެން މެންދުރު 12:00 އާ ހަމައަށެވެ.

ރޯދަމަހުގެ ރަސްމީ ގަޑިތައް ރައީސް އޮފީހުން އިއުލާންކޮށްފައިވާ އިރު، ހިޖުރައިން 1443 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުގެ ދުވަސްތަކާއި ޝައްވާލްމަހުގެ ފުރަތަމަ ހަތް ދުވަހުގެ ރަސްމީ މަސައްކަތު ގަޑިއަކީ ހެނދުނު 09:00 އިން ފެށިގެން މެންދުރުފަހު 01:00 އަށް ކަމުގައިހަމަޖައްސައި އެކަމާ ބެހޭ ދެންނެވުމެއް ރައީސުލްޖުމްހޫރިއްޔާގެ އޮފީހުން ނެރެފައިވަނީ 2022 ވަނަ އަހަރުއެވެ.

ރަމަޟާން މަހުގެ މަސައްކަތު ގަޑި ކުރުކުރުމުގެ މަގުސަދަކީ މުވައްޒަފުންނަށް ލުއިފަސޭހަކަން ހޯދައިދިނުމާއި، ދީނީ އަޅުކަންތަކުގައި އިތުރަށް ބައިވެރިވުމަށް ފުރުސަތު ދިނުންކަމަށް ވެސް ރައީސް އޮފީހުން ހާމަކޮށްފައިވެއެވެ.