ENGLISH
04 އޭޕްރީލު 2025
މަތިވެރީ ގެސްޓުހައުސް އިން ރައްޔިތުނަށް ފައިދާވާ ގޮތް ހަދައިދޭނަން: ރައީސް
09 ޑިސެމްބަރު 2024
|
މަތިވެރީގައި ހުންނަ 50 ކޮޓަރީގެ ގެސްޓްހައުސް: މިތަން ހިންގީ އަމިއްލަ ފަރާތަކުން-- ފޮޓޯ/ ހޮޓެލްސް އިން މޯލްޑިވްސް
އެންމެ މަޤްބޫލު
އއ. މަތިވެރީގައި ހުންނަ 50 ކޮޓަރީގެ ގެސްޓުހައުސްގެ ފައިދާ ރައްޔިތުނަން ލިބޭ ގޮތް ހައްދަވައިދެއްވާނެ ކަމަށް، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އަރި އަތޮޅާއި މާލެ އަތޮޅުގެ ބައެއް ރަށްރަށަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން، އަރިއަތޮޅު އުތުރުބުރީ މަތިވެރީގެ ރައްޔިތުންނާ ބައްދަލުކުރައްވައި ރޭ ދެއްކެވި ވާހަކަފުޅުގައި ރައީސް މުޢިއްޒު ވިދާޅުވީ، އަމިއްލަ ފަރާތަކަށް ބިން ދޫކޮށްގެން ހަދާފައިވާ އެ ގެސްޓުހައުސްއިން ރަށަށްް އެއްވެސް ފައިދާއެއް ލިބެމުން ނުދާނީ، ޤާނޫނީ އިމުގެތެރެއިން އެތަން މަތިވެރީގެ ރައްޔިތުންނަށް ހޯއްދަވައިދެއްވާނެ ކަމަށެވެ.
"އަޅުގަނޑު މިރަށަށް އައިސް އެންމެ ފުރަތަމަ ވެސް ދިޔައީ ތިޔަ ބޭފުޅުންނަށް ވަރަށް ދަތިވެފައި އޮތް މައްސަލައެއްް ބަލައިލުމަށް، ސާޅީސް އެތައްހާސް އަކަފޫޓުގެ ބިމެއް އެއޮތީ، އަށެއްކަ އަހަރު ވަންދެން އެއްވެސް ގޮތަކަށް ރަށަށް ފައިދާއެއް ނުކުރާ ގޮތައް ހުއްޓިފައި. ލޯކަލް ޓޫރިޒަމްގެ ވަރަށް ބޮޑެތި ފައިދާތަކެއް އޭގެ ކުރިން މި ރަށަށް ވަމުން ދިޔަ މަޝްރޫޢެއް އެއީ. މިހާރު އެކަން ހުއްޓިފައި އެ އޮތީ، ވަރަށް ނާޖާއިޒް ގޮތެއްގައޭ ޓޫރިޒަމް މިނިސްޓްރީގެ ތެރެއިން އެ އެކަން ކޮށްފައި އެ އޮތީ. އަޅުގަނޑު މިހާރު އެޓާނީ ޖެނެރަލް އަރިހު ދަންނަވައިފިން އެ މައްސަލަ ބަލައި ދިނުމަށް، ގާނޫނީ އިމުގެ ތެރެއިން އޭގެން ނުކުމެވޭނެ ގޮތެއް ގާނޫނީ ހަމަތަކުގެ މަތިން ބަލައި ދިނުމަށް،" ރައީސް މުޢިއްޒު ވިދާޅުވި އެވެ.
އެމަނިކުފާނު ވިދާޅުވީ ސަރުކާރަށް އެންމެ ގެއްލުން ކުޑަ ގޮތަކަށް އެ މައްސަލަ ހައްލުކޮށްދެއްވާ، މިހާރުވެސް 18 ވަރަކަށް ގެސްޓުހައުސް ހިންގާ މަތިވެރީގެ ރައްޔިތުންނަށް ފައިދާހުރި ތަނަކަށް އެތަން ހައްދަވާނެ ކަމަށެވެ.
މަތިވެރީ އެންމެ ހިތްގައިމު ސަހަރައްދުގައި ހުންނަ 50 ކޮޓަރީގެ ގެސްޓްހައުސް އަކީ ރައްޔިތުންގެ މަޖިލީހުގެ ކާށިދޫ ދާއިރާގެ ކުރީގެ މެމްބަރު އަބްދުﷲ ޖާބިރު "ކަސާ މިއާ"ގެ ނަމުގައި ކުލި ނުދައްކާ ހިންގަމުންދިޔަ ތަނެކެވެ.