އޭޝިއާ ކަޕްގައި މިއަދު ކުޅުނު ތިންވަނަ ހޮވާ މެޗުގައި ޖަޕާން އަތުން ރާއްޖޭގެ ފިރިހެން ނެޓްބޯޅަ ޓީމު މޮޅުވެ، އެ މުބާރާތުން ބްރޯންޒް މެޑަލް ހާސިލްކޮށްފިއެވެ.

ރާއްޖޭން ވަނީ މުބާރާތުގެ ތިންވަނަ ހޮވާ މެޗުގައި މިއަދު ޖަޕާން އަތުން 28-21 އިން މޮޅުވެފައެވެ.

މި މުބާރާތުގައި ރާއްޖޭން ވަނީ ރައުންޑް ރޮބިން ބުރުގައި ކުޅުނު މެޗުގައި ވެސް ޖަޕާން ބަލިކޮށްފައެވެ. ރާއްޖެ ބަލިވީ މެލޭޝިއާ އާއި ހޮންގކޮންގު އަތުންނެވެ.

މި މަހުގެ 5 އިން 8 ގެ ނިޔަލަށް ކުރިއަށްދިޔަ މުބާރާތުގައި މުޅިއެކު ހަތަރު ޓީމު ވާދަކުރިއެވެ. އެއީ، ރާއްޖޭގެ އިތުރުން މެލޭޝިއާ އާއި ހޮންގކޮންގު އަދި ޖަޕާނެވެ.

މިއީ މި ސަރަހައްދުގެ ފިރިހެން ކުޅުންތެރިންނަށް ހާއްސަކޮށްގެން ބާއްވާ ފުރަތަމަ ނެޓްބޯޅަ މުބާރާތެވެ.