ގެއްލިގެން ހޯދަމުން ދަނިކޮށް ނިޔާވެފައި އޮއްވާ ފެނިފައިވަނީ ބަންގްލަދޭޝްގެ ރައްޔިތެއް ކަމަށްވާ އަމީން މިއާ (24އ) ކަމަށް ދިވެހި ފުލުހުންގެ ޚިދުމަތުން މިއަދު ބުނެފި އެވެ.

ބިދޭސީއަކު ގެއްލިގެން އޭނާ ހޯދަން ފުލުހުން ވަނީ ތިލަފުށީގައި ބޮޑު އޮޕަރޭޝަނެއް ހިންގާފަ އެވެ. ފުލުހުން ވަނީ އެ މީހާ މަރުވެފައި އޮއްވާ ފެނިފައިވާ ކަމަަށް ރޭ ބުނެފައެވެ.

ފުލުހުން މިއަދު ބުނީ މިހާތަނަށް ބެލި ބެލުމުން، އަމީން މިއާ ނިޔާވުމުގެ ހާދިސާ ހިނގާފައިވަނީ ޖެނުއަރީ 26 ވަނަ ދުވަހުކަން ވަނީ އެނގިފަ އެވެ.

މި މައްސަލައިގެ ތަހުގީގު ކުރިއަށްދާ މިންވަރަކުން ހާމަކުރެވެންހުރި މައުލޫމާތު ހާމަކުރަމުންދާނެ ކަމަށް ވެސް ބުންޏެވެ.