ކޮންގްރެސް ޕާޓީގެ އަންހެނުންގެ ގޮފީގެ ހިންގާ ކޮމިޓީގެ މެންބަރުން ހޮވައިފި އެވެ.

އެ ޕާޓީން މިއަދު ބުނީ ކޮންގްރެސްގެ އަންހެނުންގެ ގޮފީގެ ހިންގާ ކޮމެޓީއަށް މެންބަރު ހޮވާފައިވާ ކަމަށެވެ. ޕާޓީން ވަނީ އެ ހުރިިހާ މެންބަރުންނަަށް ހޫނު މަރުޙަބާ ކިޔާފަ އެވެ.

ކޮންގްރެސް ޕާޓީގެ އަންހެނުންގެ ގޮފީގެ ރައީސާއަކީ ރައީސުލްޖުމްހޫރިއްޔާގެ އޮފީހުގެ ތަރުޖަމާން އަދި އެންސްޕާގެ މެނޭޖިން ޑިރެކްޓަރު ހީނާ ވަލީދެވެ.

އަންހެނުންގެ ގޮފީގައި ހިމެނެނީ 15 މެންބަރުންނެވެ. އެ މެންބަރުންގެ ތެރޭގައި ރައްޔިތުންގެ މަޖިލީހުގެ ދެ މެންބަރުން ކަމަށްވާ ނިލަންދޫ ދާއިރާގެ މެންބަރު ފާތިމަތު ސައުދާ އާއި ހުރާގެ ދާއިރާގެ މެންބަރު ޑރ. އަނާރާ ނަޢީމް ހިމެނިވަޑައިގަންނަވަ އެވެ.