ENGLISH

04 އޭޕްރީލު 2025

Advertisement

އެމްއައިބީ ދިއްދޫ ސާވިސް ސެންޓަރު ހުޅުވައިފި

07 ޑިސެމްބަރު 2024

|

އަހުމަދު ސައީދު

އެމްއައިބީގެ ސާވިސް ސެންޓަރު ހއ. ދިއްދޫގައި ހުޅުވައިދެއްވީ-- ފޮޓޯ/ އެމްއައިބީ

ހއ. ދިއްދޫގައި މޯލްޑިވްސް އިސްލާމިކް ބޭންކް (އެމްއައިބީ) ގެ ސާވިސް ސެންޓަރެއް ހުޅުވައިފި އެވެ.

އެމްއައިބީގެ ސާވިސް ސެންޓަރު ހުޅުއްވައިދެއްވީ އެ ބޭންކުގެ މެނޭޖިން ޑިރެކްޓަރ މުފައްދަލް އިދުރީސް ކުމްރީ އާއި ދިއްދޫ ކައުންސިލްގެ ރައީސް އަބްދުﷲ ރަޝީދު އަދި ދިއްދޫ ކައުންސިލްގެ ނައިބު ރައީސް އަބްދުﷲ ވަހީދު އެވެ.

ދިއްދޫގައި ހުޅުވި ސާވިސް ސެންޓަރުން ކަސްޓަމަރުން ބޭނުންވާ ހުރިހާ ޚިދުމަތް ތަކެއް ދިނުމުގެ އިތުރުން އޭޓީއެމުން 24 ގަޑިއިރު ޚިދުމަތް ލިބެން ހުންނާނެ ކަމަށް އެމްއައިބީން ބުނެއެވެ. 

މާލެ އިން އުތުރުގައި އެމްއައިބީގެ ސާވިސް ސެންޓަރެއް މީގެ ކުރިން ހުންނަނީ ހަމައެކަނި ހދ. ކުޅުދުއްފުށީގައެވެ. 

އެ ބޭންކުގެ ހިދުމަތް ހއ. އަތޮޅާއި ހދ. އަތޮޅު، ބ. އަތޮޅު، ކ. އަތޮޅު، ދ. އަތޮޅު، ގއ. އަތޮޅު، ގދ. އަތޮޅު އަދި ފުވައްމުލަކާއި އައްޑޫއިން ލިބެން ހުރެ އެވެ.

އެމްއައިބީގެ ޚިދުމަތް ފުޅާ ކުރުމުގެ ގޮތުން އަންނަ އަހަރު އެ ބޭންކުގެ އޭޓީއެމްތަކާއި ސާވިސް ސެންޓަރުތައް އެކި ރަށްރަށުގައި ހުޅުވުމަށް ވަނީ ނިންމައިފައެވެ. 

ކިޔުންތެރިންގެ ހިޔާލު