ENGLISH

04 އޭޕްރީލު 2025

Advertisement

އަންނަ އަހަރުގެ ލޯސީޒަނަށް އަމާޒުކޮށް މާކެޓިން ވަރުގަދަ ކުރައްވާނެ ކަމަށް ފައިޞަލް ވިދާޅުވެއްޖެ

07 ޑިސެމްބަރު 2024

|

އަހުމަދު ސައީދު

ޓޫރިޒަމް މިނިސްޓަރ އިބްރާހިމް ފައިޞަލް އެމްއެމްޓީވީގެ ބޮޑު ޚަބަރު ޕްރޮގަރާމުގައި ވާހަކަ ދައްކަވަނީ-- ފޮޓޯ/ އެމްއެމްޓީވީ

އަންނަ އަހަރުގެ ލޯސީޒަނަށް އަމާޒުކޮށް ރާއްޖޭގެ ޓޫރިޒަމް މާކެޓްކުރުމުގެ ޚާއްސަ މަަސައްކަތްތެއް ކުރައްވާނެ ކަމަށް ފަތުރުވެރިކަމާ ބެހޭ ވަޒީރު އިބްރާހިމް ފައިޞަލް ވިދާޅުވެއްޖެ އެވެ.

އެމްއެމްޓީވީ ގެ "ބޮޑު ޚަބަރު" ޕްރޮގަރާމުގައި ވާހަކަ ދައްކަވުން ފައިޞަލް ވިދާޅުވީ، ރާއްޖެ އަކީ ވޯލްޑް ލީޑިން ޑެސްޓިނޭޝަަށް ވާއިރު، އެކަން ދެމެހެއްޓުމަކީ ވަރަށް މުހިންމު ކަމެއް ކަމަށެވެ. އަދި މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ) އާ ގުޅިގެން ރާއްޖެ މާކެޓް ކުރުމުގައި ބޮޑަށް އިސްކަންދެނީ އިގްތިސާދު ވަރުގަދަ މާކެޓްތަކަށް ކަމަށް ފައިޞަލް ވިދާޅުވިއެވެ. 

"މީގައި އަޅުގަނޑުމެން މި ބަލަނީ ހަކަތަ ހުރި އިގްތިޞާދުތަކަށް ފުރަތަމަ. މިއީ ވޯލްޑް ލީޑިން ޑެސްޓިނޭޝަން. އެ ޕޮޒިޝަން ދެމެހެއްޓުމަކީ ވަރަށް މުޙިއްމު ކަމެއް. އަންނަ އަހަރު އެންމެ ބޮޑު އިސްކަމެއް ދޭނީ ރާއްޖޭގެ ރިސޯޓްތަކުގައި މި ހުރި އެނދުތަކުގެ އޮކިޔުޕަންސީ ރަނގަޅު ކުރަން. މިދިޔަ އަހަރާ އަޅާބަލާއިރު ވަރަށް ބޮޑުތަނުން ކުރިއެރުން ހޯދިފައި ވަނީ. މި އަންނަ އަހަރުގެ ލޯސީޒަނަށް ޓާގެޓް ކޮށްގެން، ވަރަށް ޚާއްޞަ ވަރުގަދަ މަސައްކަތްތަކެއް އެމްއެމްޕީއާރުސީ އިން ކުރާނެ މިނިސްޓްރީ އާއި ޓޫރިޒަމް އިންޑަސްޓްރީ އާ އެކީގައި،" ފައިޞަލް ވިދާޅުވި އެވެ. 

މިދިޔަ އަހަރު ރާއްޖެ އަށް އެންމެ ގިނައިން ފަތުރުވެރިން އައީ އިންޑިޔާ އިންނެވެ. މިއަހަރު ރާއްޖެ އެންމެ ގިނައިން ފަތުރުވެރިން އަންނަމުން ދަނީ ޗައިނާ އިންނެވެ. ފައިޞަލް ވިދާޅުވީ، މި އަހަރު ފެށުނުއިރާ އަޅާބަލާއިރު އިންޑިޔާ އިން އަންނަ ޓޫރިސްޓުންގެ އަދަދު ވަރަށް ބޮޑަށް އިތުރު ކުރެވިފައިވާ ކަމަށާއި ޗައިނާގެ އިތުރު އެއާލައިންތަކުން އަންނަ އަހަރު ރާއްޖެ އަށް ދަތުރުތައް ފަށާނެ ކަމަށެވެ. 

"ޤައުމީ އެއާލައިން އެ ތައްޔާރުވަނީ މި ސޯސް މާކެޓްތަކަށް ދަތުރުތައް ފައްޓަން. އަޅުގަނޑު މޯލްޑިއަން އާ ދޭތެރޭ  ކުރާ އުއްމީދަކީ ފްލައިޓް ބޭރުގައި ވިސިޓް މޯލްޑިވްސް ޖަހައިގެން ދުނިޔޭގެ އެކި ޤައުމުތަކަށް ދަތުރު ކުރަން. ޚާއްޞަކޮށް ޗައިނާ، އިންޑިޔާ މިހެން ހުރި ސޯސް މާކެޓްތަކަށް ދަތުރުކޮށް. މޯލްޑިވިއަން އަކީ ދިވެހި ދައުލަތަށް ފައިދާވާ ކުންފުންޏެއްގެ ގޮތުގައި ޓޫރިޒަމްގެ ބައިވެރިއްގެ ގޮތުގައި،" އޭނާ ވިދާޅުވި އެވެ.

ޤައުމީ އެއާލައިން، މޯލްޑިވިއަނަށް ވައިޑް ބޮޑީ އެއާ ކްރާފްޓް ގެނެސް އަންނަ ޖެނުއަރީ މަހުގެ ކުރީ ކޮޅު ދަތުރުތައް ފައްޓަވާނެ ކަމަށް ރައީސް ޑރ. މުހައްމަދު މުޢިއްޒު މިިދިޔަ މަހު ވިދާޅުވިއެވެ. 

ދުރު މަންޒިލްތަކަށް ސީދާ ދަތުރު ކުރެވޭނެ، ޖާގަ ތަނަވަސް ވައިޑް ބޮޑީ އެއާކްރާޓްތަކުން އެއްފަހަރާ 264 ފަސިންޖަރުންނަށް ދަތުރު ކުރެވޭނެ އެވެ.

މިނިސްޓަރ ފައިޞަލް ވިދާޅުވީ ދެ ލައްކައެއްހާ ފަތުރުވެރިން އިތުރު ކުރެނަސް ދައުލަތުގެ އާމްދަނީއަށް އިތުރު 120 މިލިއަން ޑޮލަރު، ސީދާގޮތުން ވަންނާނެ ކަމަށެވެ. 

ކިޔުންތެރިންގެ ހިޔާލު