ހުޅުމާލެ ފޭސް ދޭއް ގައި ބިނާކުރާ މިސްކިތް މަސްޖިދުލްއީމާން އަންނަ ހަފްތާގައި ހުޅުވަން ނިންމައިފި އެވެ.

އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު މިރޭ ވިދާޅުވީ މަސްޖިދުލްއީމާން އަންނަ ހަފްތާގައި ހުޅުވާނެ ކަމަށެވެ.

މިއީ ހެޔޮ އެދޭ ފަރާތަކުން އިމާރާތްކޮށްފައިވާ މިސްކިތެކެވެ. މިއީ މިސްކިތުގެ ޑިޒައިނާއި އެތެރޭގެ ޑިޒައިން ވެސް ވަަރަށް ފުރިހަމަ ރީތި މިސްކިތެކެވެ.

ހުޅުމާލޭގެ ފޭސް ދޭއްގައި މީހުން އާބާދުވެ ދިިރިއުޅެން ފެށިތާ އަހަރުތަކެއްވީނަމަވެސް މިސްކިތްތަކާއި ސުކޫލުތައް އެކަށީގެންވާ މިންވަރަށް ނެތުމުގެ މައްސަލަ ބޮޑެވެ. އެހެން ކަމުން މިސްކިތްތަކާއި ސުކޫލުތައް އިމާރާތް ކުރުމަށް މި ސަރުކާރުން ބޮޑު އިސްކަމެއް ދެއްވަ އެވެ. އަދި ފަށާފައިވާ އެފަދަ މަޝްރޫޢުތައް އަވަހަށް ނިންމުމަށް ޚާއްސަ އިސްކަމެއް ދެއްވައިގެން ދަނީ މަސައްކަތް ކުރައްވަމުންނެވެ.