ENGLISH
30 ނޮވެމްބަރު 2025
Advertisement
"ސިލޯނާއެކު ދިވެހީން" ޓެލެތޯނަށް އެމްއޭސީއެލް އިން 250,000ރ. ހަދިޔާކޮށްފި
30 ނޮވެމްބަރު 2025
|
Advertisement
ސްރީލަންކާއަށް ކުރިމަތިވެފައިވާ މޫސުމީ ކާރިސާގައި އެގައުމުގެ ރައްޔިތުންނަށް އެހީތެރިކަން ފޯރުކޮށްދިނުމަށް ޕީއެސްއެމްއިން އިސްނަގައިގެން ރާއްޖޭގެ މީޑިޔާތަކާ ގުޅިގެން ކުރިއަށްގެންދާ ޓެލެތޯންއަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން 250،000 ރުފިޔާ ހަދިޔާކޮށްފިއެވެ.
ރާއްޖޭގެ މައި އެއާޕޯޓް ހިންގާ ކުންފުނިން ދިން އެހީގެ މި ފައިސާ ޕީއެސްއެމްއާ ހަވާލުކޮށްދިނީ މިހާރު ކުރިއަށްދާ ޓެލެތޯންގެ ތެރޭގައި އެމްއޭސީއެލްގެ ސީނިއާ މުވައްޒަފުންނެވެ.
ރާއްޖޭގެ ބައެއް އެހެން ކުންފުނިތަކުން ވެސް އަންނަނީ ޓެލެތޯނަށް ފައިސާ ހަދިޔާ ކުރަމުންނެވެ. އެގޮތުން:
- އެޗްޑީސީ: 100،000 ރުފިޔާ
- ވެމްކޯ: 100،000 ރުފިޔާ
- އެމްޓީސީސީ: 100،000 ރުފިޔާ
- ބީއެމްއެލް: 25،000 ޑޮލަރު
- އެމްޓީޑީސީ: 50،000 ރުފިޔާ
- ޕީއެންސީ ޕާލަމެންޓްރީ ގްރޫޕް: 300،0000 ރުފިޔާ
- ކްރައުން އެންޑް ޗަމްޕާ ރިސޯޓްސް: 10،001 ޑޮލަރު
- ރައީސް އޮފީހުގެ އިޖްތިމާއީ ކްލަބް: 50،000 ރުފިޔާ
މިރޭ ދަންވަރު 1 ޖެހުމާ ހަމައަށް ކުރިއަށް ގެންދާ މި ޓެލެތޯނުގެ ދަށުން، މާލެ އާއި ހުޅުމާލެ އަދި ވިލިމާލޭގެ އެކި ސަރަހައްދުތަކުގައި ފަންޑުފޮށިތައް ވަނީ ބަހައްޓައިފައެވެ. މި ފޮށިތަކަށް ނަދުގު ފައިސާ ހަދިޔާކުރެވޭނެ އެވެ.
ރުފިޔާ އިން ފައިސާ ހަދިޔާކުރަން ބޭނުންވާ ފަރާތްތަކުން:
ބީއެމްއެލްގެ އެކައުންޓް ނަމްބަރު 7730000796107
ޑޮލަރުން ފައިސާ ހަދިޔާ ކުރަން ބޭނުންވާ ފަރާތްތަކުން:
ބީއެމްއެލްގެ އެކައުންޓް ނަމްބަރު 7730000796106 އަށް ޓްރާންސްފާ ކުރެވޭނެ އެވެ.
އެ އެކައުންޓުތަކަށް ފައިސާ ޓްރާންސްފާ ކުރުމުގެ އިތުރަށް ޓީވީ ސްކްރީނުގައިވާ ކިއުއާރް ކޯޑު މެދުވެރިކޮށް ފައިސާ ފޮނުވޭނެ އިންތިޒާމު ވެސް ވަނީ ހަމަޖައްސައިފައެވެ.
މިރޭ 9 ޖެހުމާ ހަމައަށް ޓެލެތޯނަށް ވަނީ 2.3 މިލިއަން ރުފިޔާ އާއި 38،322 ޑޮލަރު ލިބިފަ އެވެ.
