ENGLISH

30 ނޮވެމްބަރު 2025

Advertisement

"ސިލޯނާއެކު ދިވެހީން" ޓެލެތޯނަށް ޕީއެންސީ ޕާލިމަންޓްރީ ގުރޫޕުން 300،000 ރުފިޔާ ހަދިޔާކޮށްފި

30 ނޮވެމްބަރު 2025

|

ޝިފްޒާން އަޙްމަދު

"ސިލޯނާއެކު ދިވެހިން" ޓެލެތޯނަށް ޕީއެންސީގެ ޕީޖީ ގުރޫޕުން ދިން ތިން ލައްކަ ރުފިޔާ ހަވާލުކުރަނީ

ދައުލަތުގެ މީޑިޔާ ޕަބްލިކް ސާވިސް މީޑިޔާ އިސްނަގައިގެން ރާއްޖޭގެ މީޑިޔާތަކާ ގުޅިގެން ކުރިއަށްގެންދާ "ސިލޯނާއެކު ދިވެހީން" ޓެލެތޯނަށް ވެރިކަންކުރާ ޕީޕަލްސް ނޭޝަނަަލް ކޮންގުރެެސް (ޕީއެންސީ)ގެ ޕާލިމަންޓަރީ ގުރޫޕުން 300،000 ރުފިޔާ ހަދިޔާކޮށްފިއެވެ. 

މި ޓެލެތޯނު ކުރިއަށްގެންދަނީ ބޭންކް އޮފް މޯލްޑިވްސްގައި ދެ އެކައުންޓު ހުޅުވައި އެ އެކައުންޓުތަކަށް ފައިސާ ޓްރާންސްފާ ކުރުމުގެ ފުރުސަތު ހުޅުވައިލުމުގެ އިތުރަށް މާލޭގެ ބައެއް ސަރަހަައްދުތަކުގައި ފަންޑު ފޮށި ބަހައްޓައިގެންނެވެ. 

މިހާތަނަށް އަށް ލައްކައަށްވުރެ ގިނަ ރުފިޔާ ބީއެމްއެލްއިން މި ޓެލެތޯނަށް ހާއްސަކޮށް ހުޅުވި އެކައުންޓަށް ޖަމާކޮށްފައިވާއިރު ޑޮލަރު އެކައުންޓަށް 11،000 އަށްވުރެ ގިނަ ޑޮލަރު ޖަމާކޮށްފައިވެއެވެ. 

ޕީއެސްއެމްގެ ސްޓޫޑިއޯގައި މި ފައިސާ ޕީއެންސީގެ ޕާލިމަންޓްރީ ގުރޫޕުގެ ފަރާތުން ޓެލެތޯނަށް ހަވާލުކޮށްދެއްވީ ޕާލިމަންޓްރީ ގުރޫޕުގެ ބައެއް މެންބަރުންނާއި، ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲއާއި ޕާލިމަންޓްރީ ގުރޫޕުގެ ލީޑަރު އިބްރާހީމް ފަލާހެވެ. 

ޕީއެސްއެމްެގެ ފަރާތުން މި އެހީއާ ހަވާލުވެވަޑައިގަތީ އެ ކުންފުނީގެ ޑެޕިއުޓީ މެނޭޖިން ޑިރެކްޓަރ ޔާމީން ރަޝީދެވެ. 

މި ފައިސާ ހަވާލުކޮށްދެއްވުމަށްފަހު ޕީއެސްއެމްއަށް ދެއްވި ބަސްދީގަތުމެއްގައި މަޖިލީހުގެ ރައީސް އަބްދުއްރަހީމް ވިދާޅުވީ ލަންކާއަކީ ޒަމާނުއްސުރެ ދިވެހިންނާ ވަރަށް ގާތް ގިނަ އަދަދަކަށް ދިވެހިން އެ ގައުމަށް ޒިޔާރަތްކުރާ ގައުމެއް ކަމށެވެ. އަދި އެއް ގައުމެއްގެ ރައްޔިތުން އެންމެ ގިނައިން ރާއްޖޭގައި ދިރިއުޅޭ އެއް ގައުމަކީވެސް ލަންކާކަން ފާހަގަކުރެއްވިއެވެ. 

"މި ހުރިހާ ގޮތަކަށް ބަލާއިރު، ސްރީ ލަަންކާ އާއި ރާއްޖެއާ މިއީ ވަރަށް ގާތް އެއްބަނޑު އެއްބަފާ ގުޅުމެއް ޒަމާނުއްސުރެ އުފެދިފައި އޮތް ދެ ގައުމު. ލަންކާއަށް މިފަދަ ހިތާމަވެރި ކާރިސާއެއް ކުރިމަތިވުމާއި އެކީގައި އެންމެ ފުރަތަމަ އިސްކަމެއް ނެންނެގި ގައުމެއްގެ ގޮތުގައި މި ފާހަގަވަނީ ރާއްޖެ،" އަބްދުއްރަހީމް ވިދާޅުވިއެވެ. 

އަދި ލަންކާއިން ބައިނަލްއަގުވާމީ މުޖުތަމައުގެ އެހީއަށް އެދުމާއެކު، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ އިސްނެންގެވުމަށް އެންމެ ފުރަތަމަ ލަންކާއަށް އެހީތެރިވި ގައުމަކީ ރާއްޖެކަން ފާހަގަކުރައްވަމުން އަބްދުއްރަހީމް ވިދާޅުވީ އެކަމުން ދޭހަވަނީ އަވަައްޓެރި ގައުމުތަކާއެކު މި ސަރުކާރުން ގާއިމުކޮށްފަައިވާ ހާރިޖީ ގުޅުމުގެ ވަރުގަދަކަން ކަމުގައެވެ. 

ކިޔުންތެރިންގެ ހިޔާލު