ENGLISH

30 ނޮވެމްބަރު 2025

Advertisement

ބަދުއަޚްލާޤީ އަމަލު ހިންގަން ތިބި ދެ މީހަކު ތިނަދޫން ހައްޔަރު ކޮށްފި

30 ނޮވެމްބަރު 2025

|

އަޙުމަދު ޙަމީދު

ތިނަދޫ ސިޓީ

ބަދުއަޚްލާޤީ އަމަލު ހިންގަން ތިބި ދެ މީހަކު ގދ. ތިނަދޫން ހައްޔަރު ކޮށްފި އެވެ.

ދިވެހި ފުލުހުން ޚިދުމަތުން މިރޭ ބުނީ ތިނަދޫގައި ފައިސާއަށް ހަށިވިއްކާ ކަމަށް ލިބުނު މައުލޫމާތަކާއި ގުޅިގެން މި މަހުގެ 28 ވަނަ ދުވަހު ރޭ ހިންގި އޮޕަރޭޝަނެއް ގައި އެ ރަށުން ގެއެއް ވަނީ ބަލާ ފާސްކޮށްފަ އެވެ

އަދި ދެ މީހަކު ހައްޔަރު ކުރި ކަމަށް ވެސް ބުންޏެވެ. އެއީ 52 އަހަރުގެ ދިވެހި ފިރިހެނަކާއި 39 އަހަރުގެ ތައިލެންޑް އަންހެނެކެވެ. މި ދެ މީހުން ހައްޔަރު ކޮށްފައިވަނީ ބަދުއަޚްލާޤީ އަމަލު ހިންގަމުން ދަނިކޮށް ކުށުގެ ވެށީން ކަމަށް ވެސް ފުލުހުން ބުންޏެވެ.

ފުލުހުން ބުނީ މި ދެ މީހުންގެ ބަންދާއިމެދު ގޮތް ނިންމަން ކޯޓަށް ހާޒިރުކުރުމުން ފިރިހެން މީހާ ވަނީ ކަފާލާތުގެ ދަށުން ދޫކޮށްލާފައިވާ ކަމަށާ އަދި އަންހެން މީހާ ހަތަރު ދުވަހަށް ބަންދު ކުރުމަށް އަމުރު ކޮށްފައިވާ ކަމަށެވެ.

ފިރިހެން މީހާ ބަންދުން ވީލުނު ނަމަވެސް މި މައްސަަލަ ތަހުޤީޤު ކުރަމުންދާ ކަމަށް ވެސް ބުންޏެވެ.

ކިޔުންތެރިންގެ ހިޔާލު