ENGLISH
30 ނޮވެމްބަރު 2025
"ސިލޯނާއެކު ދިވެހީން" ޓެލެތޯންގެ އޮޑިޓް ފާމަކަށް ކްރޯ މޯލްޑިވްސް ހަމަޖައްސައިފި
29 ނޮވެމްބަރު 2025
|
"ސިލޯނާއެކު ދިވެހީން" ޓެލެތޯންގެ އޮޑިޓް ފާމަކަށް ކްރޯ މޯލްޑިވްސް ހަމަޖެއްސުން. ފޮޓޯ: ޕީއެސްއެމް
ލަންކާއަށް ދިމާވެފައިވާ ހިތާމަވެރި ކާރިސާގައި ދިވެހިންގެ ފަރާތުން އެހީވުމަށް ކުރިއަށްގެންދާ "ސިލޯނާއެކު ދިވެހިން" ޓެލެތޯންގެ އޮޑިޓް ފަރމެއްގެ ގޮތުގައި ކްރޯ މޯލްޑިވްސް ހަމަޖައްސައިފިއެވެ.
މި އެއްބަސްވުމުގައި ޕީއެސްއެންމެ ފަރާތުން ސޮއިކުރެއްވީ ޑިރެކްޓަރ ޕްރޮޖެކްޓް، ލޭންޑް، އެންޑް ބިޒްނަސް ޑިވެލޮޕްމަންޓް އައިޝަތު އާސިފާއެވެ. އަދި ކްރޯ މޯލްޑިވްސްގެ ފަރާތުން ސޮއިކުރެއްވީ މެނޭޖިން ޕަރޓްނަރ ޙަސަން މުޙައްމަދުއެވެ.
މި ޓެލެތޯންއާ ގުޅޭގޮތުން ވާހަކަދައްކަވަމުން ޕީއެސްއެމްގެ ޑެޕިއުޓީ މެނޭޖިން ޑިރެކްޓަރ ޔާމިން ރަޝީދު ވިދާޅުވީ މިއީ ލަންކާއަށް ކުރިމަތިވެފައިވާ ހިތްދަތި ޙާދިސާގައި، އެހީތެރިކަން ފޯރުކޮށްދިނުމުގައި ދިވެހި ރައްޔިތުންގެ ބައިވެރިވުން ދައްކައިދިނުމަށް ކުރިއަށްގެންދަން ނިންމި ޓެލެތޯންއެއްކަމަށެވެ.
މި ޓެލެތޯންގައި ވަރަށް ގިނަ މީޑިއާތަކާއި އެކިއެކި އިދާރާތަކު އެއްބާރުލުން މިހާރުވެސް ލިބެމުންދާކަން ޔާމިން ފާހަގަކުރެއްވިއެވެ.
ޓެލެތޯންގައި ލިބޭ ފައިސާ ޖަމާކުރުމަށް ޚާއްޞަ އެކައުންޓެއް ވަނީ ހަދައިފައެވެ. އަދި، މާލޭގެ އެކި ސަރަޙައްދުތަކުގައި ފަންޑު ފޮށި ބަހައްޓައި، ފަންޑަށް އެހީވުމަށް ފަސޭހަ އިންތިޒާމުތަކެއް ވަނީ ހަމަޖައްސައިފައެވެ.
"ކިއުއާރް ކޯޑެއްވެސް ދޭނެ. ކޯޑް ސްކޭންކޮށްލައިގެން ފަސޭހައިން ފައިސާ ޖަމާ ކުރެވޭނެ. ވަރަށް ގިނަ ބައެއްގެ އެހީތެރިކަން މިހާރުވެސް ދަނީ ލިބެމުން. އެދެނީ މިކަމުގައި ހުރިހާ ރައްޔިތުން ބައިވެ، ލައްކާގެ ރައްޔިތުންނާއެކު ދިވެހިން ތިބިކަން ދައްކުވައިދިނުން."
ޕީއެސްއެމްގެ ޑެޕިއުޓީ މެނޭޖިން ޑިރެކްޓަރ ޔާމިން ރަޝީދު
ޕީއެސްއެމްގެ ޑިރެކްޓަރ ޕްރޮޖެކްޓް، ލޭންޑް، އެންޑް ބިޒްނަސް ޑިވެލޮޕްމަންޓް އައިޝަތު އާސިފާ ވިދާޅުވީ، މިނިވަން އޮޑިޓް ފަރމެން ނަގައިގެން މި މަސައްކަތް ކުރިއަށްގެންދިއުމުގެ ބޭނުމަކީ، ދެފުށް ފެންނަގޮތަށް އަދި ރައްޔިތުންގެ އިތުބާރު ދެމެހެއްޓޭގޮތަށް ޓެލެތޯން ކުރިއަށްގެންދިއުންކަމަށެވެ.
"ބޭނުންވަނީ ވީހާވެސް ޓްރާންސްޕޭރެންޓްކޮށް މިކަން ކުރިއަށްގެންދަން. ފައިސާ ލިބެންވާ ފަރާތައް ލިބޭކަން ކަށަވަރުކުރުން." އާސިފާ ވިދާޅުވިއެވެ.
ކްރޯ މޯލްޑިވްސްގެ މެނޭޖިން ޕަރޓްނަރ ޙަސަން މުޙައްމަދު ވިދާޅުވީ، ކްރައުން ގްލޯބަލް އަކީ ދުނިޔޭގައި ހިނގާ މިފަދަ ބޮޑެތި ކާރިސާތަކުގައި އެހީތެރިކަން ދެމުންދާ ކުންފުންޏެއް ކަމަށެވެ. ލަންކާއަށް އެހީވުމަށް ރާއްޖޭގައި ބާއްވާ ޓެލެތޯންގެ އޮޑިޓް މަސައްކަތް އެ ކުންފުނިން ކުރިއަށްގެންދަނީ، ކުންފުނީގެ އިޖުތިމާޢީ ޒިންމާގެ ދަށުންކަމަށް ކްރޯ މޯލްޑިވްސްއިން ބުނެފައިވެއެވެ.
"ޕީއެސްއެމްގެ މިފަދަ ޓެލެތޯންތަކުގައި ކުރިންވެސް މަސައްކަތްކޮށްފިން. ވަރަށް ރަނގަޅަށް އިންޓަރނަލް ކޮންޓްރޯލް ބެލެހެއްޓިގެން މަސައްކަތްތައް ގެންދާކަން ފާހަގަވޭ. އަދި ރައްދުވާ ފަރާތައް ލިބޭކަން ކަށަވަރުކުރުން އެންމެ މުހިންމު ކަމަކީ." ކްރައުން މޯލްޑިވެސްގެ މެނޭޖިން ޕަރޓްނަރ ޙަސަން މުޙައްމަދު ވިދާޅުވިއެވެ.
މި ތެލެތޯންގައި ނަގުދު ފައިސާ، ޓްރާންސްފަރ އަދި ބޭންކް ޗެކް މެދުވެރިކޮށް ފައިސާ ޖަމާކުރެވޭނެއެވެ.
މި ޓެލެތޯން މިއަދު ހެނދުނު 09:00އިން ފެށިގެން މެންދަމު 01:00އަށް ކުރިއަށްދާނެއެވެ.