ENGLISH
29 ނޮވެމްބަރު 2025
އައިކެއާއިން އައިނު ހައްދައިގެން އުމްރާ ދަތުރު ލިބޭ ޕްރޮމޯޝަނެއް ފަށައިފި
29 ނޮވެމްބަރު 2025
|
އައިކެއަރ އޮޕްޓިކަލްސް. އެކުންފުނިން ވަނީ އުމްރާ ދަތުރު ލިބޭ ޕްރޮމޯޝަނެއް ފަށާފައި. --ފޮޓޯ: އައިކެއަރ
އައިކެއަރ އޮޕްޓިކަލްސްއިން އައިނު ހައްދައިގެން އުމްރާ ދަތުރު ލިބޭ ޕްރޮމޯޝަނެއް ފަށައިފިއެވެ.
އައިކެއަރއިން ބުނީ ކުރިއަށް އޮތް ސްކޫލް ޗުއްޓީއާ ދިމާކޮށް، އައިކެެއަރ އިން ޚިދުމަތް ހޯދާ ކަސްޓަމަރުންގެ ތެރެއިން ނަސީބުވެރި ފަރާތަކަށް ރަމަޟާން އުމްރާ ދަތުރެއް ލިބިގެންދާނެ ކަމަށެވެ. އެގޮތުން ޕްރޮމޯޝަނުގެ ދަށުން ދެ މީހަކަށް އުމްރާ ދަތުރު ލިބިގެންދާނެކަމަށް އައިކެއަރއިން މަޢުލޫމާތުދީފައިވެއެވެ.
ޕްރޮމޯޝަންގެ ދަށުން އައިކެެއަރއިން ކުރާ ކޮންމެ 1000 ރުފިޔާގެ ވިޔަފާރިއަކަށް ކޫޕަނެއް ދޫކުރުމަށް ވަނީ ހަމަޖެހިފައެވެ. އެ ކޫޕަން ފުރިހަމަކުރުމަށްފަހު، އައުޓްލެޓްގައި ކަނޑައަޅާފައިވާ އެންޓްރީ ބޮކްސްއަށް ކޫޕަން ލުމުން ޕްރޮމޯޝަނުގައި ބައިވެރިވެވޭނެ ކަމަށް އައިކެއަރއިން ބުނެފައިވެއެވެ.
ލަކީޑްރޯގެ އިތުރުން އިންސްޓޯރ ޕްރޮމޯޝަންތަކެއް ވެސް އައިކެއަރއިން ވަނީ ފަށައިފައެވެ. އެގޮތުން ބައެއް ބްރޭންޑްތަކުން 30 އިންސައްތައާ ހަމައަށް ޑިސްކައުންޓް އަދި 3000 ރުފިޔާއަށް ވުރެ މަތިން ހައްދާ ކޮންމެ އައިނަކާ އެކު ބޯނަހެއްގެ ގޮތުގައި 500 ރުފިޔާގެ ގިފްޓް ވައުޗަރެއް ދޭނެކަމަށް އައިކެއަރއިން ބުނެފައިވެއެވެ. އެގޮތަށް ލިބޭ ވައުޗަރު އާއިލާ އަދި ރައްޓެހިންނަށް ހަދިޔާކުރެވޭ ގޮތް ވެސް އައިކެއަރއިން ވަނީ ހަދައިފައެވެ.
އައިކެއަރއިން ބުނީ ރާއްޖޭގެ އެކި ކަންކޮޅުތަކުގައި ޤާއިމުކޮށްފައިވާ އައިކެއަރ އޮޕްޓިކަލްސްގެ ކޮންމެ އައުޓްލެޓަކުން ވެސް ޕްރޮމޯޝަނުގައި ބައިވެރިވެވޭނެ ކަމަށެވެ.
"ކަސްޓަމަރުން އައިކެއަރއަށް ދެއްވާ އިތުބާރަށް ޝުކުރު އަދާކޮށް، މި ޚާއްޞަ ފުރުޞަތުގެ ބޭނުން އޭގެ އެންމެ ފުރިހަމަ ގޮތުގައި ހިފުމަށް އެދެން" އައިކެއަރއިން ހިއްސާކުރި މެސެޖުގައި ބުނެފައިވެއެވެ.
ޕްރޮމޯޝަން ކުރިއަށްދާނީ ނޮވެމްބަރު 28 އިން ފެށިގެން 2026 ވަނަ އަހަރުގެ ޖަނަވަރީ 31 ގެ ނިޔަލަށެވެ. ޕްރޮމޯޝަނުގެ ގްރޭންޑް ލަކީޑްރޯ ބޭއްވުމަށް ހަމަޖެހިފައިވަނީ 2026 ވަނަ އަހަރުގެ ފެބްރުވަރީ މަހުގެ ފުރަތަމަ ހަފްތާގެ ތެރޭގައެވެ.
އައިކެއަރއަކީ، ދުނިޔޭގެ ފެންވަރުގެ ލޮލުގެ ފަރުވާ ދިނުމާއި، ފެންވަރު ރަނގަޅު އައިނާއި އެހެނިހެން ލޮލުގެ ޚިދުމަތްތައް ފޯރުކޮށްދޭ، އިތުބާރު ހުރި ކުންފުންޏެކެވެ. އަދި، އައިކެއަރއިން އަންނަނީ ރާއްޖޭގެ އެކި ކަންކޮޅުތަކުގައި އިންޤިލާބީ ވިޝަން ސޮލިއުޝަންސްއާއި، ލޮލުގެ އެކިއެކި ޚިދުމަތްތައް ދެމެހެއްޓެނިވި ގޮތަކަށް ފޯރުކޮށްދެެމުންނެވެ.