މާލެ އާއި ވިލިމާލޭގެ ފަޅުތެރެ ރީތިކޮށް ބޭއްވުމަށްޓަކައި ރައްޔިތުންގެ އެހީ ބޭނުންވާ ކަމަށް މާލެ ސިޓީ ކައުންސިލުން ބުނެފިއެވެ.

ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނެފައި ވަނީ ފަޅުތެރެ ސާފުކުރުމަކީ ޤަވާއިދުން ކޮންމެ ދުވަހަކު ވެސް ކުރަމުންދާ ކަމެއް ކަމަށެވެ. އަދި އެކަމުގެ އެދެވިގެންވާ ނަތީޖާއެއް ނުފެންނަނީ ރައްޔިތުންގެ ފަރާތުން އެއްބާރުލުން ނުލިބޭތީ ކަމަށް ވެސް ސިޓީ ކައުންސިލުން ބުންޏެވެ. އަދި ފަޅުތަކަށް ކުނި އެޅުން ހުއްޓާލުމަށް ވެސް ސިޓީ ކައުންސިލުން ވަނީ އިލްތިމާސްކޮށްފައެވެ.