ހުޅުމާލޭގެ ދެވަނަ ފިޔަވަހީގައި ގާއިމްކުރެވިފައިވާ ބުޅާ ފެސިލިޓީ މިއަދު ހުޅުވުމަށް މާލެ ސިޓީ ކައުންސިލުން ނިންމަވައިފިއެވެ. 

ބުޅާ ފެސިލިޓީގެ ހުރިހާ މަސައްކަތްތައް މިހާރު ނިމިފައިވާކަމަށާއި މިއަދު ހަވީރު ބުލާ ފެސިލިޓީ އެއްކޮށް ހުޅުވައި ބުޅާތައް އެތަނަށް ގެންދަން ފަށާނެކަމަށް މޭޔަރު އާދަމް އާޒިމް ވިދާޅުވިއެވެ. އެގޮތުން ހަ މަހުގެ ތެރޭގައި މަލޭގެ މަގުތަކުގައި އުޅޭ ހުރިހާ ބުޅަލެއް ފެސިލިޓޭޓްކުރެވޭނެކަމަށް ވެސް ވިދާޅުވިއެވެ. 

މާލޭގައި ބުޅަލުގެ އާބާދީ 3000 ގާތްކުރާ އަދަދަކަށް އުޅޭއިރު މިކަމުގެ ސަބަބުން މާލޭގައި ދިރިއުޅޭ މީހުންނަށް ތަފާތު ދަތިތަކަކާއި ކުރިމަތިވެއެވެ. މާލެ އަށް ވާރޭ ވެހި ފެންބޮޑުވާ ވަގުތުތަކުގައި ބުޅާ ނަޖިސް ގިނަވެ ބަލިމަޑުކަން ފެތުރެއެވެ. 

މި ވަގުތު ސިޓީ ކައުންސިލުން އެންމެ ބޮޑު އިސްކަމެއްދޭ ކަމަކީ މާލޭގެ މަގުތަކަށް ދޫވެފައިވާ ބުޅާތައް ހިފައި ފެސިލިޓޭޓްކުރުން ކަމަށް އާޒިމް ވިދާޅުވިއެވެ.