ENGLISH

04 އޭޕްރީލު 2025

Advertisement

އެމްއެމްއޭގެ ފުރަތަމަ ރިސާރޗް ކޮންފަރެންސް އަންނަ މަހު ބާއްވަނީ

27 ނޮވެމްބަރު 2024

|

އެމްއެމް ނިއުސް ޓީމް

އެމއެމްއޭގެ ގަވަރުނަރު މުނައްވަރު. --ފޮޓޯ:ޕީއެސްއެމް

މޯލްޑިވްސް މަނިތަރީ އޮތޯރިޓީ (އެމްއެމްއޭ) ގެ ފުރަތަމަ ރިސާޗް ކޮންފަރެންސް އަންނަ މަހުގެ މެދުތެރޭގައި ބާއްވަން ނިންމާފައިވާ ކަމަށް އެ އޮތޯރިޓީ އިން މިއަދު ބުނެފި އެވެ.

ރާއްޖޭގެ ސެންޓަލް ބޭންކުން މިއަދު ބޭއްވި ނޫސްވެރިންގެ ބައްދަލުވުމުގައި އެގްޒެކެޓިވް ޑައިރެކްޓަރު މަރިޔަމް ރަޝްފާ ވިދާޅުވީ އެމްއެމްއޭ އިން ބާއްވާ އެންމެ ފުރަތަމަ ރިސާރޗް ކޮންފަރެންސް އޮންނާނީ އަންނަ މަހުގެ 14 އަދި 15 ވަނަ ދުވަހު ކަމަށެވެ.

އެ ކޮންފަރެންސްގެ ބޭނުމަކީ އެމްއެމްއޭ އިން ކުރިއަށް ގެންދާ ދިރާސާތައް ކަމާ ބޭހޭ ފަރާތްތަކާއި ހިއްސާކޮށް މަޝްވަރާކުރުން ކަމަށް ރަޝްފާ ވިފާޅުވި އެވެ.

"ހާއްސަ ގޮތެއްގައި މަނިޓަރީ ޕޮލިސީ އަދި ފައިނޭންޝަލް ސެކްޓާ އާ ގުޅުންހުރި ރިސާރޗްތައް ކީ ސްޓޭކް ހޯލްޑާރސް އަށް ޕްރެޒެންޓް ކުރުން އަދި މީގެ އިތުރުން ވެސް މާލީ އަދި އިގްތިސާދީ ސިޔާސަތުތަކާ ގުޅޭގޮތުން މަޝްވަރާ ކުރެވޭނެ ޕްލެޓްފޯމެއް ގާއިމު ކޮށްދިނުން،" ރަޝްފާ ވިދާޅުވި އެވެ.

އޭނާ ވިދާޅުވި ގޮތުގައި ކޮންފަރެންސްގެ ފުރަތަމަ ދުވަހުގެ ފުރަތަމަ ސެޝަންގައި އޮންނާނީ ކަރުދާސް ހުށަހެޅުމެވެ. އަދި ދެވަނަ ސެޝަންގައި އޮންނާނީ މަޝްވަރާ ކުރުމެވެ. ކޮންފަރެންސްގެ ދެވަނަ ދުވަހު އޮންނާނީ އޭޝިއަން ޑިވެލޮޕްމަންޓް ބޭންކް އިންސްޓިޓިއުޓް އާއި އޭޝިޔާ ޕެސިފިކް އެޕްލައިޑް އިކޮނޮމިކްސް އެސޯސިއޭޝަން (އެޕެއާ) އާ ގުޅިގެން ބާއްވާ ޖޮއިންޓް ރިސާރޗް ވޯކްޝޮޕެއް ކަމަށް ރަޝްފާ ވިދާޅުވި އެވެ.

އެމްއެމްއޭގެ މަސައްކަތްތައް މޮނިޓަރކޮށް ތަންފީޒުކުރުމަށްޓަކައި ސާވޭ އާއި ދިރާސާތައް ކުރުމަށް ވަކި ޑިޕާޓްމަންޓެއް އުފައްދާފައިވެ އެވެ. އެ ޑިޕާޓްމަންޓުން މާލީ އަދި އިގްތިސާދީ ދިރާސާތަކާއި ބޭންކިން އާ ގުޅުންހުރި ދިރާސާތަކުގެ މައުލޫމާތު ވަކި އުސޫލަކުން އާންމުކުރަމުން ގެންދެ އެވެ.

ކިޔުންތެރިންގެ ހިޔާލު