ޕީއެންސީގެ ދާއިރާތަކުގެ އިންތިހާބު ދެވަނަ ފަހަރަށް ފަސްކޮށްފި އެވެ.

ކުރިން އޮތީ ޕީއެންސީގެ އިންތިޚާބު މި މަހު 9 ވަނަ ދުވަހު ބާއްވާ ގޮތަށެވެ. އެންމެ ފުރަތަމަ އިންތިޚާބު ބާއްވަން ނިންމީ މިދިޔަ މަހު 19 ގަ އެވެ.

ސަރުކާރު ހިންގާ ޕާޓީގެ އިންތިޚާބު މިފަހަރު ފަސްކޮށްފައި ވަނީ މި މަހު 23 އަށެވެ. އިންތިޚާބު ފަސްކުރި ސަބަބެއް ކަމަށް އެ ޕާޓީން ބުނެފައި ވަނީ  މި އަހަރުގެ ޖުމްހޫރީ ދުވަހާ ގުޅިގެން މި މަހުގެ 10 ވަނަ ދުވަހަކީ ވެސް ސަރުކާރު ބަންދު ދުވަހެއްގެ ގޮތުގައި ރައީސް ޑރ. މުހައްމަދު މުއިއްޒު ނިންމަވާފައިވާއިރު، ގިނަ ބަޔަކު ރަށު ބޭރަށް ދާތީއާ އެކު، 9 ވަނަ ދުވަހު އިންތިހާބު ބާއްވައިފި ނަމަ އުނދަގޫތަކެއް ކުރިމަތިވެދާނެތީ ކަމަށެވެ. އިންތިޚާބު ފަސްކުރީ ކެންޑިޑޭޓުންނާއި އާއްމު މެންބަރުންގެ ވެސް އެދުމުގެ މަތިންނެވެ.

ޕީއެންސީގެ އެެތެރޭގެ އިންތިޚާބުގައި ހޮވަނީ: 

- ދާއިރާ ރައީސް އަދި ނައިބު ރައީސް.

- ޒުވާނުންގެ ހަރާކާތުގެ ރަށު ރައީސް އަދި އަންހެނުންގެ ހަރަކާތުގެ ރަށު ރައީސް.

- ސްޓިއަރިން ކޮމިޓީގެ މެމްބަރުން.