ENGLISH

04 އޭޕްރީލު 2025

Advertisement

ފޮރިން އެކްސްޗޭންޖް ގާނުނެއް ނެތުމުގެ ސަބަބުން އެމްއެމްއޭ އޮތީ އަތް ބަނދެވިފައި: ގަވަރުނަރު

27 ނޮވެމްބަރު 2024

|

އެމްއެމް ނިއުސް ޓީމް

އެމްްއެމްއޭގެ ގަވަރުނަރު އަހުމަދު މުނައްވަރު. --ފޮޓޯ: މިހާރު

ރާއްޖޭގައި ބޭރު ފާއިސާ މާރުކުރުމުގެ ގާނޫނެއް ނެތުމުގެ ސަބަބުން، މޯލްޑިވްސް މަނިތަރީ އޮތޯރިޓީ (އެމްއެމްއޭ) ގެ އަތް ބަނދެވިފައިވާ ކަމަށާއި، ބޭރު ފައިސާ މާރުކުރުމުގެ ގާނޫނެއް މި ވަގުތަށް ކޮންމެހެން ވެސް މުހިންމު ކަމަށް، އެ އޮތޯރިޓީގެ ގަވަރުނަރު އަހުމަދު މުނައްވަރު މިއަދު ވިދާޅުވެއްޖެ އެވެ.

އެމްއެމްއޭ އިން ރޭ ޚިޔާލަށް ހުޅުވާލި، ބޭރު ފައިސާގެ ބިލާ ބެހޭ ގޮތުން ނޫސްވެރިންނަށް މައުލޫމާތު ދިނުމަށް އެމްއެމްއޭގައި މިއަދު ބޭއްވި ބަދަލުވުމުގައި މުނައްވަރު ވިދާޅުވީ ކޮވިޑް-19 ފަހުން ބޭންކުތަކަށް ޖަމާކޮށް އަދި މާރުކުރާ ބޭރު ފައިސާގެ އަދަދު ވަރަށް ބޮޑަށް މަދުވެފައިވާ ކަމަށާއި، އެހެންކަމުން އެކަން ކުރީގެ އޮތް މިންވަރަށް ގެންގޮސް ބޭރު ފައިސާގެ ރިޒާވް ރަނގަޅުކުރުމަށްޓަކައި މުހިންމު ފިޔަވަޅުތަކެއް އަޅަން ޖެހިފައިވާ ކަމަށެވެ.

"ހަގީގަތަކީ ފޮރިން އެސްޗޭންޖުގެ ގާނޫނެއް ނެތުމުގެ ސަބަބުން އެމްއެމްއޭގެ މި އޮތީ އަތް ބަނދެވިފައި، މިކަން އަވަސްކުރަން ޖެހުނު އެންމެ ބޮޑު ސަބަބަކީ ހާއްސަކޮށް ބޭންކުތަކަށް ޑޮލަރު ވަންނަވަރު ވަރަށް ބޮޑަށް މި ހުރީ ދަށްވެފައި،" ގަވަރުނަރު ވިދާޅުވި އެވެ. "ބޭންކުތަކަށް ސީދާ ޓޫރިޒަމް އިންޑަސްޓްރީން ވަންނަނީ ގާތްގަނޑަކަށް ތިން ޕަސެންޓް، މުޅި ޖުމްލަ އެއްކޮށްފި ކަމަށްވަންޔާއި އެވަރެޖްކޮށް 10 ޕަސެންޓް ވެސް ނުވަދޭ."

ގަވަރުނަރު ވިދާޅުވި ގޮތުގައި ބޭރު ފައިސާގެ ބިލު އެކުލަވާލުމުގެ ކުރިން، މީގެ ތިރީހަކަށް އަހަރު ކުރިން ފެށިގެން އަމަލުކުރަމުން އައި މަނިޓަރީ ގަވާއިދު އިސްލާހު ކުރުމަށްފަހު އޮކްޓޫބަރު 1 ވަނަ ދުވަހު ވާނީ އާންމުކޮށްފަ އެވެ. އެމްއެއެމްއޭ އިން ލަފާކުރަނީ، ބޭރު ފައިސާއާ ބެހޭ ގާނޫނަށް 2025 ޖެނުއަރީ 1 ވަނަ ދުވަހުން ފެށިގެން އަމަލުކުރަން ފެށޭނެ ކަމަށެވެ.

ކިޔުންތެރިންގެ ހިޔާލު