ރައްޔިތުން މަޖިލީހުގެ ހިނގަމުން މިދާ ދައުރުގެ މުއްދަތު އިތުރުކުރަން މަޖިލީހުގެ ރިޔާސަތުން ހުށަހަޅައިފިއެވެ. 

ރައްޔިތުން މަޖިލީހުގެ ގަވައިދު ބުނާ ގޮތުން، މަޖިލީހުގެ ހިނގަމުންދާ ދައުރުގެ ފަހު ދުވަހަކީ ނޮވެމްބަރު 30 ވަނަ ދުވަހެވެ. 

މިއަދުގެ ޖަލްސާ ފައްޓަވަމުން މަޖިލީހުގެ ރިޔާސަތުން ހުށަހަޅާ ހުށާހެޅުމެއްގެ ގޮތުން މަޖިލީހުގެ ރައީސް އަބްދުއްރަޙީމް އަބްދުالله ވިދާޅުވީ ނިންމަން މުހިންމު މަސައްކަތްތަކެއް ހުރުމުން ދައުރު އިތުރުކުރަން ގަސްދުކުރައްވާ ކަމަށެވެ. 

މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވިީ މިއަދުގެ ޖަލްސާގެ ވޯޓު ގަޑީގައި މިކަމަށް ވޯޓަށް އެހުން އޮންނާނެ ކަމަށް ވިދާޅުވެފައެވެ. 

ނިންމަން ޖެހޭ މުހިންމު މަސައްކަތްތަކެއް ހުރިކަން މަޖިލީހުގެ ރައީސް އިއުލާނު ކުރެއްވި ނަމަވެސް އެއީ ކޮން މަސައްކަތްތަކެއް ކަމެއް ހާމަކުރައްވާފައެއް ނުވެއެވެ.