މަޝްހޫރު ކިލިއަން އެމްބާޕޭ އަދި ވިނިޝިއުސް ޖޫނިއާ އާންމުކޮށް ކުޅޭ މަގާމު ބަދަލުކޮށް، މުޅިން އާ ޕޮޒިޝަނަކަށް އެ ދެ ކުޅުންތެރިން ކުޅުވައި، ރިއާލް މެޑްރިޑްގެ ކޯޗު ކާލޯ އަންޗެލޮޓީ ހެދި އެކްސްޕެރިމެންޓްގެ ނަތީޖާ ކާމިޔާބު ވެއްޖެއެވެ.

އެމްބާޕޭ މި ސީޒަނުގައި ރެއާލް މެޑްރިޑްއާ އެމްބާޕޭ ގުޅުނު ފަހުން އޭނާ ކުޅެމުން އައީ ސެންޓާ ފޮވާޑަކަށެވެ. އެ މަޤާމުގައި އޭނާގެ ފުށުން އެދެވޭ ކުޅުމެއް ނުފެނުމުގެ ސަބަބުން ކޯޗު އަންޗެލޮޓީ ބޭނުންވީ މުޅިން ތަފާތު ކޮށްލައި ވިނީޝިއުސް ޖޫނިއާ ކުޅޭ ވައަތު ވިންގަށް އެމްބާޕޭ ބަދަލު ކުރުމަށެވެ.

ރެއާލްގެ ކޯޗު އަންޗެއޮލޮޓީ

ސްޕެއިން ލީގުގައި ރޭ ލެގަނޭޒާ ދެކޮޅަށް ކުޅުނު މެޗުގައި އެމްބާޕޭ ވަނީ އޭނާގެ ފުރިހަމަ ކުޅުން ދައްކައިލާ ވިނީޝިއުސް ދިން ބޯޅައެއްގެ ބޭނުން ހިފައި ރެއާލް މެޑްރިޑްއަށް ފުރަތަމަ ލަނޑު ކާމިޔާބު ކޮށްދީފައެވެ.

ރެއާލްގައި އޭނާގެ ކުޅުން ރަނގަޅު ކުރުމަށްޓަކައި އެމްބާޕޭ މިދިޔަ ފީފާ ވިންޑޯގެ މެޗުތަކުގައި ފްރާންސް ޓީމަކަށް ނުކުޅެއެވެ. އޭގެ ބަދަލުގައި އޭނާ ގުޅުނީ ރެއާލްގެ ޒުވާން ޓީމު ކަސިއްޔާގެ ޕްރެކްޓިސްތަކަށެވެ.

މީގެ ކުރިން ޕީއެސްޖީގައި ވެސް އޭނާ ވަނީ ވިންގަށް ކުޅެފައެވެ.

ރެއާލް މެޑްރިޑަށް ރޭގެ ދެވަނަ މެޗު ކާމިޔާބު ކޮށްދިނީ ފަހަތުން ބެކަށް ކުޅޭ އެޓީމުގެ ޒުވާން ފޯވާޑް ފެޑެރީކޯ ވަލްވާޑޭ އެވެ. އޭނާ އާންމުކޮށް ކުޅެނީ މިޑްފީޑަށެވެ. ނަމަވެސް ފަހަތަށް ކުޅޭ ދެ ކުޅުންތެރިން އަނިޔާގައި ތިބުމުގެ ސަބަބުން އޭނާ ކުޅުނީ ކަނާތު ބެކަށެވެ. 

ތިން ވަނަ ލަނޑު ރެއާލްއަށް ކާމިޔާބު ކޮށްދިނީ އެޓީމުގެ ޒުވާން ތަރި ޖޫޑް ބެލިންހަމް އެވެ. އަދި މިއީ އޭނާ މިސީޒަނުގައި ޖެހި ދެ ވަނަ ލަނޑު ވެސް މެއެވެ.

ތޭރަ ޕޮއިންޓާއެކު ރެއާލް މެޑްރިޑް އޮތީ ތާވަލުގެ ދެ ވަނައިގައެވެ. ތާވަލުގެ އެއްވަނައިގައި ބާސެލޯނާ އޮތީ 14 ޕޮއިންޓާ އެކުއެވެ. އެހެން ނަމަވެސް ރެއާލްއިން ކުޅެފައިވާ މެޗުގެ އަދަދު ބާސާއަށްވުރެ މަދެވެ.