އިންޑިއާގައި ލަވަކިޔުމުގެ މަޝްހޫރު ރިއަލިޓީ ޝޯއެއް ކަމަށްވާ "އިންޑިއަން އައިޑަލް" 15 ވަނަ ސީޒަން ފަށައިގެން ކުރިއަށް އެބަދެއެވެ.

އެގޮތުން މި ފަހަރުވެސް އޮޑިޝަން ބުރާއި ތިއޭޓަރު ބުރުން ފާސްވެގެން ޝޯގެ ގާލާ ރައުންޑަށް ކޮލިފައިވާނީ 12 ލަވަކިޔުންތެރިންނެވެ. ޝޯގެ މިފަހަރު ސީޒަން ވެސް ހުށަހަޅައިދެނީ އަދިތުޔަ ނަރާޔަންއެވެ. މިފަހަރުގެ ޖަޖުންގެ ޕެނަލްގައި ހިމެނެނީ ބާދްޝާހްގެ އިތުރުން ޝްރެޔާ ގޯޝަލް އަދި ވިޝާލް ދަދްލާނީއެވެ.

އިންޑިއަން އައިޑަލްއަކީ މިހާރު ބޮލީވުޑްގައި ރަސްކަންކުރަމުންގެން އަންނަ ގިނަ ލަވަކިޔުންތެރިންތަކެއް އުފެއްދި ޝޯއެކެވެ. އޭގެ ތެރޭގައި ރިޝީ ސިންހް އަދި ސަލްމާން އަލީ ފަދަ ތަރިން ހިމެނެއެވެ.

އިންޑިއަން އައިޑަލް ސީޒަން 15 ގެ އާ އެޕިސޯޑުތައް ކޮންމެ ހޮނިހިރު ދުވަހެއްގެ ރޭ 20:30 އިން ފެށިގެން މީޑިއާނެޓްގެ ސޮނީ އެންޓަޓެއިންމެންޓް ޓެލެވިޒަން ޗެނަލުން ދައްކާނެއެވެ.