ރާއްޖޭގެ އިގްތިސާދު ސިންދަފާދުކޮށް، ދެމެހެއްޓެނިވި ތަރައްގީއެއް ހާސިލުކުރުމުގައި ވިޔަފާރިވެރިން އަދާކުރަމުންދާ ދައުރު ފާހަގަކުރުމަށް "މޯލްޑިވްސް އެމްއެސްއެމްއީ އެވޯޑްސް 2025" ރޭ އިފްތިތާހުކޮށްފިއެވެ.

ދަރުބާރުގޭގައި ރޭ ބޭއްވި ހަފުލާގައި މި އެވޯޑް އިފްތިތާހުކޮށްދެއްވީ ރައީސުލްޖުމްހޫރިއްޔާގެ ނައިބް ހުސައިން މުހައްމަދު ލަތީފެވެ. 

އެވޯޑް ދިނުމުގެ މަގްސަދަކީ ބިޒިނަސް ސެންޓަ ކޯޕަރޭޝަން، ބީސީސީން ބުނިގޮތުގައި، ގައުމީ އަދި ބައިނަލްއަގުވާމީ ފެންވަރުގައި ވިޔަފާރިތަކުން ހޯދާ ކަމިޔާބީތައް ފާހަގަކޮށް، ގައުމުގެ އުފެއްދުންތެރިކަމާއި ހުނަރުވެރިކަން ކުރިއެރުވުމަށް ހިތްވަރުދީ، ރާއްޖޭގެ ވިޔަފާރިތަކާއި މަސައްކަތްތެރިކަމާއި ހުނަރުވެރިކަން ކުރިއެރުވުމެވެ.

މި އެވޯޑަށް ކުރިމަތިލާން އަންނަ މަހުގެ ފުރަތަމަ ދުވަހު ހުޅުވާލާނެ ކަމަށް ބީސީސީން ބުންޏެވެ. 

ނައިބް ރައީސް ހުސއިން މުހައްމަދު ލަތީފް ރޭ ދެއްކެވި ވާހަކަފުޅުގައި ވަނީ  އިޤުތިޞާދުގެ އެންމެ މައި މަސައްކަތްތަކާއި ދިރުންހުރި ޚިދުމަތުގެ ސަފުހާތަކުގެ ބޮޑު ބައެއް ލިޔެވެމުން އަންނަނީ އެންމެ ކުދި އަދި މެދުފަންތީގެ ވިޔަފާރިތަކުގެ މައްޗަށް ކަމުގައި ވިދާޅުވެފައެވެ.

"އެ ވިޔަފާރިތަކަކީ އަޅުގަނޑުމެންގެ އިޤުތިޞާދުގެ ނާރެސް. އެއީ، ވަޒީފާގެ ފުރުޞަތުތައް އުފެއްދުމާއި، އާ އީޖާދުތައް ކުރުމާއި، އިޤުތިޞާދީ ދުވެލި ހަލުވިކުރުމުގައި އެންމެ މުހިންމު ދައުރެއް އަދާކުރާ ވިޔަފާރިތައް،" ނައިބް ރައީސް ވިދާޅުވިއެވެ.