ހަފްތާ 52ގެ ކާމިޔާބީތަކާ ގުޅިގެން 'ހޯމްޓީމް އާއިލީ ހަވީރު' ނަމުގަ ކުޑަކުދިންގެ ހަވީރެއް ބާއްވަން ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ނިންމާފައިވެ އެވެ.

މި ހަވީރު އޮންނާނީ 22 ނޮވެމްބަރުގެ ހަވީރު 16:00 އިން 18:00 އަށް، ހުޅުމާ ސެންޓްރަލް ޕާކުގައެވެ. މި ޢާއިލީ ހަވީރުގައި ތަފާތު ގޭމް ސްޓޯލްތަކާއި، ފޭސް ޕެއިންޓް، ފޮޓޯ ބޫތަކާއި ސްނޭކް އެންޑް ލެޑަރ އަދި ބެލޫން ހަންޓިން ފަދަ ކުޅިވަރު އައިޓަމްތަކެއް ހުންނާނެއެވެ.

ޢާއިލީ ހަވީރުގައި ހޯމް ޓިމްގައި ހިމެނޭ ކަސްޓަމްސް، ކަރެކްޝަންސް، ޕޮލިސް، އިމިގްރޭޝަން، އެންސީއައިޓީ، ޑީޖޭޖޭ އަދި އެންޑީއޭއިންވެސް ސްޓޯލްތަކެއް ކުޑަކުދިންނަށް ޚާއްސަކޮށްފަ ހުންނާނެއެވެ. ކޮންމެ ސްޓޯލަކުންވެސް އެ މުއައްސަސާއަކާ ގުޅޭ މައުލޫމާތު ކުދިންނަށް ލިބެން ހުންނާނެއެވެ.

ޢާއިލީ ހަވީރު ޝަރަފުވެރިކޮށްދެއްވާނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.