ފާއިތުވެދިޔަ 24 ގަޑިއިރު ތެރޭ އެންމެ ގިނައިން ވާރޭ ވެހުނީ އައްޑޫ ސިޓީގެ ހިތަދޫއަށް ކަމަށް މޫސުމާ ބެހޭ ގައުމީ އިދާރާ، (މެޓް) އިން ބުނެފި އެވެ.

ހިތަދޫއަށް 110 މިލިމީޓަރުގެ ވާރޭ ވެހިފައިވާކަމަށް މެޓް އޮފީހުން ބުނެފައިވެ އެވެ. އައްޑޫ ސިޓީގެ އިތުރުން ރާއްޖޭގެ އެކި ކަންކޮޅުތަކަށް ދަނީ މި ވިއްސާރައިގެ އަސަރުކުރަމުންނެވެ. 

މިއީ ހުޅަނގު މޫސުން ނިމި އިރުވައި މޫސުން ފެށޭ ދުވަސްވަރާއި ދިމާކޮށް އުފެދިފައިވާ ލޯ ލެވެލް ސާކިއުލޭޝަންއަކާ ގުޅިގެން ކުރާ ވިއްސާރައެއް ކަމަށް މޫސުމާ ބެހޭ އިދާރާއިން ވަނީ ބުނެފަ އެވެ.  

މޫސުން ގޯސްވެ ބޯކޮށް ވާރޭވެހޭނެ ކަމަށް ލަފާކޮށް މެޓުން ވަނީ ރާއްޖޭގެ ބައެއް ސަރަހައްދުތަކަށް ރީނދޫ ސަމާލު ވެސް ނެރެފަ އެވެ.