އައްޑޫ ސިޓީއަށް ބޯކޮށް ވާރޭ ވެހި ފެން ބޮޑުވި ސަރަހައްދުތަކުން ފެން ހިންދުމުގައި އެމްއެންޑީއެފް ސަދަން އޭރިއާ ކޮމާންޑުގެ ސިފައިން ހަރަކާތްތެރިވެއްޖެއެވެ.

ބޯކޮށް ވާރޭ ވެހި އައްޑޫ ސިޓީ ފޭދޫ މަގުތަކުގައި ފެންބޮޑުވުމުން، ރޭ 23:25 ހާއިރުން ފެށިގެން އެމްއެންޑީއެފް ސަދަން އޭެރިއާ ކޮމާންޑް، ހިތަދޫ ފަޔަރ ސްޓޭޝަނުގެ ފަޔަރ ފައިޓަރުން ވަނީ ޕަންޕު ބަހައްޓައިގެން ފެން ހިންދުމުގެ މަސައްކަތް ކޮށްފައެވެ. ފޭދޫ މަގުތަކުގައި ބޮޑުވި ފެންގަނޑު ހިންދާލެވުނީ މިއަދު ހެނދުނު 09:25 ހާއިރުއެވެ.

މީގެއިތުރުން، ބޯކޮށް ވާރޭ ވެހި، އައްޑޫ ސިޓީ ހުޅުމީދޫގައި ހުންނަ ސީނު އަތޮޅު މަދަރުސާ ގޯތިތެރޭގައި ފެންބޮޑުވުމުން، މިއަދު ހެނދުނު 07:25 އިން ފެށިގެން އެމްއެންޑީއެފް ސަދަން އޭރިއާ ކޮމާންޑް، ހުޅުމީދޫ ފަޔަރ ސްޓޭޝަނުގެ ފަޔަރ ފައިޓަރުން ވަނީ ފެން ހިންދުމުގެ މަސައްކަތް ކޮށްފައެވެ.

ސިފައިން ހާމަކުރައްވާފައި ވާގޮތުން ސ. އަތޮޅު މަދަރުސާ ގޯތިތެރޭގައި ބޮޑުވި ފެންގަނޑު ހިންދާލެވުނީ މިއަދު 09:20 ހާއިރުއެވެ.