ދިވެހިރާއްޖޭގައި ބޭންކިންގ ޚިދުމަތް ދިނުމަށް ޕްރީ-އޮޕަރޭޝަނަލް ހުއްދަ ދެ ފަރާތަކަށް ދީފި އެވެ.

ސެންޓްރަލް ބެންކު -- މޯލްޑިވްސް މަނިޓަރީ އޮތޯރިޓީން މިރޭ ބުނީ ދިވެހިރާއްޖޭގައި މާލީ ނިޒާމް ހަރުދަނާކޮށް ކުރިއެރުވުމަށް އެ އޮތޯރިޓީއިން ކުރަމުންދާ މަސައްކަތްތަކުގެ ތެރެއިން ރާއްޖޭގައި ބޭންކިންގ ޚިދުމަތް ދިނުމަށް ބޭނުންވާ ޕްރީ-އޮޕަރޭޝަނަލް ހުއްދަ މި މަހުގެ 19 ވަނަ ދުވަހު ދެ ފަރާތަށް އެ އޮތޯރިޓީއިން ދޫކޮށްފައިވާ ކަމަށެވެ.

އެ ދެ ފަރާތަކީ:

މި ދެވުނު ހުއްދަތަކާއެކު، ޚިދުމަތް ފެއްޓުމުގެ ކުރިން ފުރިހަމަ ކުރަންޖެހޭނެ ކަމަށް އެ އޮތޯރިޓީއިން ކަނޑައަޅާ ޝަރުތުތައް ފުރިހަމަކުރުމުން މި ދެ ފަރާތަށް ދިވެހިރާއްޖޭގައި ބޭންކިންގ ޚިދުމަތް ދިނުމުގެ ހުއްދަ ދޭނެ ކަމަށް ވެސް ބުންޏެވެ.

އެމްއެމްއޭ އިން ބުނީ އެ އޮތޯރިޓީއިން ދެކޭގޮތުގައި މިއީ މާލީ ޚިދުމަތްތައް ފުޅާކޮށް، ވާދަވެރިކަން އިތުރުކޮށް، އަދި ދިވެހިރާއްޖޭގެ މާލީ ދާއިރާގެ ދުރު ރާސްތާގެ ކުރިއެރުމަށް އެހީތެރިވެދޭނެ މުހިންމު ފިޔަވަޅުތަކެއް ކަމަށެވެ.

ރާއްޖޭގައި މި ވަގުތު ހަތް ބެންކަކުން ދަނީ ޚިދުމަތް ދެމުންނެވެ.