މޯލްޑިވްސް މީޑިއާ ހައުސް (އެމްއެމް) ޓީވީގެ ޓެސްޓް ސިގުނަލް ރަސްމީކޮށް މިއަދު ހަވީރު ފަށައިފިއެވެ.

މި ޗެނަލް ފެންނާނީ މީޑިއާ ނެޓުގެ 115 އިންނެވެ. 

އެމްއެމް ޓީވީގެ ޓެސްޓް ސިގުނަލް މިއަދު ހަވީރު 4:49:30 (ހަތަރު ގަޑި ސާޅީސް ނުވަ މިނިޓް ތިރީސް ސިކުންތުގައި) ފައްޓަވައި ދެއްވީ ޓީވީގެ ޗެއާމަން ޢަބްދުﷲ ޒާހިރުއެވެ. ހަވީރު ހަތަރު ގަޑި ސާޅީސް ނުވަ މިނިޓް ތިރީސް ސިކުންތަކީ، މީގެ އެއް އަހަރު ކުރިން ، ﷲ ގަންދީ ހުވާުރަމޭ ވިދާޅުވެ ރައީސް ޑރ. މުހައްމަދު މުއިއްޒު ރައީސުލްޖުމްހޫރުއްޔާާ ކަމުގެ ހުވާކުރެއްވި ވަގުތެވެ.

އެމްއެމް ޓީވީގެ އޮންއެއަރ ކޮންޓްރޯލް ރޫމް

އެމްއެމް ޓީވީގެ ޓެސްޓް ސިގްނަލް ހަތް ދުވަސް ވަންދެން ކުރިއަށް ގެންދިޔުމަށް ފަހު ރަސްމީކޮށް ބްރޯޑް ކާސްޓިން ފަށާނެ ކަމަށް ޗެއާމަން ޒާހިރު ވިދާޅުވިިއެވެ. 

މި ޗެނަލް ހިންގުމަށް ބޭނުންވާ ޓެކްނިިކަލް މަސައްކަތްތައް ނިިންމައި މިހާރު ގެންދަނީ އޮންއެއާއަށް ބޭނުންވާ ކޮންޓެންޓްތައް އުފެއްދުމުގެ މަސައްކަތް ކުރަމުންނެވެ. މިި ޗެނަލުން ޚަބަރާއި އެކި ދާއިރާތަކުން ތަފާތު ޕްރޮގްރާމްތައް ބެލުންތެރިންނާ ހަމައަށް 24 ގަޑިއިރު ގެނެސްދޭނެއެވެ.