މިސް ޔުނިވާސް 2024 ގެ ތާޖު ޑެންމާކުގެ ވިކްޓޯރިއާ ކްޖާ ތެއިލްވިގް އަށް ލިބިއްޖެއެވެ.

މެކްސިކޯ ސިޓީގައި ރޭ ބޭއްވި ރީތީގެ މުބާރާތް ކާމިޔާބުކޮށްފައިވަނީ، ނެށުންތެރިއެއް، ވިޔަފާރިވެރިއެއް، އަދި ވަކީލަކަށް ވާން ބޭނުންވާ އުމުރުން 21 އަހަރުގެ ވިކްޓޯރިއާ އެވެ. އޭނާ ވަނީ 120 އަށް ވުރެ ގިނަ ބައިވެރިން ބަލިކޮށް މުބާރާތް ކާމިޔާބު ކޮށްފައެވެ.

މި އަހަރުގެ ފިނާލޭގައި މަޝްހޫރު ލަވަކިޔުންތެރިޔާ ރޮބިން ތިކް ވަނީ ޕާފޯމްކޮށްފައެވެ. އަދި މި އިވެންޓް ހުށަހަޅައިދީފައިވަނީ "ސޭވްޑް ބައި ދަ ބެލް" ގެ ތަރި މާރިއޯ ލޮޕޭޒް އާއި ކުރީގެ މިސް ޔުނިވާސް އޮލިވިއާ ކަލްޕޯ އެވެ.

މި މުބާރާތް ފެށުނީ ބުރާސްފަތި ދުވަހުގެ ޕްރިލިމިނަރީ އިވެންޓުގެ ނަތީޖާއަށް ބަލާފައި 30 މީހުންގެ ޝޯޓްލިސްޓަކަށް ކުޑަކޮށްލައިގެންނެވެ. ގައުމީ ހެދުން އެޅުމުގެ މުބާރާތެއް ވެސް ވަނީ މި ޕްލިމިނަރީ އިވެންޓުގައި ހިމަނައިފައެވެ. އެއަށްފަހު ސެމީ ފައިނަލަށް ދިޔަ ވާދަވެރިން ސްވިމިން ވޭއާގައި ޕެރޭޑް ކުރިއިރު، އޭގެ ތެރެއިން 12 މީހުން ވަނީ އިވްނިންގް ގައުން ކޮންޓެސްޓަށް ދަތުރުކޮށްފައެވެ.

ފައިނަލް ފަސް ބައިވެރިންނާ ތަފާތު ސުވާލުތަކަކާ ކުރިމަތިލާން ޖެހުނެވެ. ލީޑަޝިޕާއި ކެތްތެރިކަން ހިމެނޭ ގޮތަށް ގިނަ މައުޟޫއުތަކެއްގެ މައްޗަށް ބިނާކޮށް އެ ފަސް ބައިވެރިންނާ ސުވާލުކުރިއެވެ. އެއްވެސް މީހަކު ޖަޖް ނުކުރާނަމަ އުޅޭނީ ކިހިނެއްތޯ ސުވާލު ކުރުމުން ވިކްޓޯރިއާ ވަނީ އެއްވެސް ކަމެއް ބަދަލެއް ނުކުރާނެ ކަމަށް ބުނެފައެވެ.

" އައި ލިވް ބައި އީޗް ޑޭ " ވިކްޓޯރިއާ ބުންޏެވެ.  

ފަހުން ބަލަން ތިބި މީހުންނަށް ބުނާނީ ކީކޭތޯ ސުވާލު ކުރުމުން ވިކްޓޯރިއާ ވަނީ ކޮންމެ ޤައުމަކަށް ނިސްބަތްވި ނަމަވެސް ފައިޓްކުރުމަށް ބެލުންތެރިންނަށް އިލްތިމާސްކޮށްފައެވެ.

“އަހަރެން މިއަދު މިތަނުގައި މިހުރީ ބަދަލެއް ބޭނުންވާތީ، ތާރީޚުގައި ނަން ފަވާލަން ބޭނުންވާތީ، އަދި އެއީ އަހަރެން މިކުރާ ކަމަކީ މިރޭ،" ވިކްޓޯރިއާ ބުންޏެވެ.

އެއްވަނަ ރަނަރަޕްގެ މަގާމު ލިބިފައިވަނީ ނައިޖީރިއާގެ ޗިޑިމާ އަޑެޓްޝިނާ އަށެވެ. އަދި ދެވަނަ ރަނަރަޕްގެ މަގާމު ހޯދާފައިވަނީ މެކްސިކޯގެ މާރިއާ ފަރްނާންޑާ ބެލްޓްރާންއެވެ. އޭގެ ފަހުން ތައިލެންޑުގެ ސުޗަޓާ ޗުއަންގްސްރީ އާއި ވެނެޒުއެލާގެ އިލިއާނާ މާކޭޒް ޕެޑްރޯޒާ، 28، ވަނީ ގަދަ ފަހެއްގައި ހިމެނިފައެވެ.

މި އަހަރަކީ މިސް ޔުނިވާސްގެ 72 އަހަރުގެ ތާރީޚުގައި 28 އަހަރުން މަތީގެ އަންހެނުން ބައިވެރިވުމުގެ ހުއްދަ ދިން ފުރަތަމަ ފަހަރެވެ. ފައިނަލަށް ދިޔަ 12 މީހުންނަކީ ކުރީ އަހަރުތަކުގައި ހުއްދަ ކުރެވުނު ވަރަށް ވުރެ އުމުރުން ދުވަސްވީ މީހުންނެވެ. މޯލްޓާގެ ބިއަޓްރިސް ންޖޯޔާ ވެގެން ދިޔައީ އުމުރުން 40 އަހަރުގެ ގްރޭންޑް ފައިނަލަށް ދިޔަ ފުރަތަމަ އަދި ހަމައެކަނި އަންހެނާ އެވެ. މި އަހަރު ވަނީ މާބަނޑު އަންހެނުން، މައިންނާއި އަދި ކައިވެނިކޮށްފައިވާ ނުވަތަ ދުވަހަކު ވެސް ކައިވެނިކޮށްފައިވާ އަންހެނުންނަށް ބައިވެރިވުމުގެ ފުރުސަތު ދީފައެވެ.