އިލެކްޓްރޯޑް ބޭނުންކޮށްގެން ކަނޑުގެ ފެން ބައިބައިކޮށް ހައިޑްރޯޖަން ފިއުލަށް ބަދަލުކުރެވޭނެ ގޮތެއް ސައިންސްވެރިން ހޯދައިފިއެވެ.

އާންމުކޮށް އިލެކްޓްރޯޑް ބޭނުންކޮށްގެން ފެން ބައިބައި ކުރަން އުޅެފިނމަ އުފެދޭނީ ވިހަގަދަ ކްލޮރިން ގޭހުގެ ބައިޕްރޮޑަކްޓެކެވެ. ނަމަވެސް މި އާ އީޖާދާއެކު ދިރާސާވެރިންނަށް އިލެކްޓްރޯލައިސިސް ބޭނުންކޮށްގެން ސާފު ތެޔޮ އުފެއްދުމުގެ ގާބިލްކަން ލިބި، ސާފު ފެނާ ނުލައި އެކަން ކުރެވޭނެ ގޮތް ވެސް މި ވަނީ ހޯދިފައެވެ.

މި އާ ޕްރޮސެސް ކުރިއަށް ގެންދަނީ ކެލިފޯނިއާގެ ސްޓާޓްއަޕްއެއް ކަމަށްވާ އިކުއެޓިކް އިން އާރްޕީއޭ-އީގެ އެހީތެރިކަމާއެކުއެވެ. އެ ގްރޫޕުން ރާވާފައިވަނީ އީޖާދުން އުފެއްދި ހައިޑްރޯޖަން ވިއްކައިގެން މި ޕްރޮސެސްގެ ހަރަދު ފޫބެއްދުމަށެވެ.

އެކަމަކު އެ ވިހަގަދަ ބައިޕްރޮޑަކްޓްތައް އުފެއްދުމެއް ނެތި ހައިޑްރޯޖަން ފިއުލް އިކުއެޓިން އިން އުފައްދާނީ ކިހިނެއް ހެއްޔެވެ؟

ވިސްނައިގަތުމަށްޓަކައި، އަޅުގަނޑުމެން ބަލަންޖެހޭނީ، މި ނިޒާމުތައް އާންމުކޮށް މަސައްކަތްކުރާ ގޮތަށެވެ. އާންމު ގޮތެއްގައި ފެން ހައިޑްރޯޖަން ފިއުލަކަށް ބަދަލުކުރަނީ އިލެކްޓްރޯލައިޒާއެއް ބޭނުންކޮށްގެން ކަމަށްވާއިރު، މިއީ ކަރަންޓް ބޭނުންކޮށްގެން ފެނުގެ މޮލިކިއުލްތައް ވަކިކުރުމަށް އިލެކްޓްރޯޑްތަކުގެ ސްޓޭކްތަކަށް ބަރޯސާވާ މެޝިނެކެވެ. ނަމަވެސް މިހާރު ބޭނުންކުރާ އިލެކްޓްރޯލައިޒާތަކުގައި ކަނޑުގެ ފެން ހައިޑްރޯޖަން ފިއުލްއަށް ބަދަލުކުރުމުގައި މައްސަލަތައް ދިމާވަނީ ފެނުން ވަކިވެފައިވާ ވިހަގަދަ މިނަރަލްސްތަކާއި ގިރާފައިވާ ލޮނުތަކުގެ ސަބަބުންނެވެ.

މިކަންކަމުގެ ސަބަބުން ގިނަ ފަހަރަށް މެޝިންތަކުގެ މަސައްކަތް ހުއްޓި، މެޝިނުގެ އެތެރޭގައި ދަބަރުޖަހައެވެ. ކަނޑުފެނުގައި ހުންނަ ލޮނު ވަކިކުރުމަށް ބޭނުންކުރާ އިލެކްޓްރިކަލް ޗާޖުން އޮކްސިޖަން ދަމައިގަތުމުން، އޭގެ ސަބަބުން ވިހަ ކްލޮރިން ގޭސް ވެސް އުފެދި، މެޝިން އެކްސްޕްލޯޑްވެއެވެ.

ނަމަވެސް މި މައްސަލަ ހައްލުކުރުމަށްޓަކައި އިކުއެޓިކްގެ ކޯ ފައުންޑަރ ޒިން ޗެން އާއި އޭނާގެ އެކުވެރިން ވަނީ ލޮނު ވެސް ބައިބައި ނުކޮށް އޮކްސިޖަނުން ފެނުގެ މޮލިކިއުލްތައް ޚިޔާރުކޮށްގެން ބައިބައިކުރެވޭނެ އެނޯޑެއް ފަރުމާކޮށްފައެވެ. އެއަށްފަހު ކްލޮރިން ބްލޮކް ކުރާ ފަށަލައެއްގެ ތެރެއިން ފެން ކޮއްޕާލުމުން ލޮނުގަނޑު ހުއްޓުވައެވެ. މިއީ މެޝިނަށް ހުރިހާ އެއްޗެއްގައި ދަބަރު ނުޖަހައި ކަނޑުގެ ފެން ހައިޑްރޯޖަން ފިއުލަކަށް ބަދަލުކުރެވޭނެ ގޮތެކެވެ.

މި އާ މެޝިނުގައި އިތުރަށް ޝައުގުވެރިވާ ކަމަކީ އެނޯޑް ނަގައި އަލުން ކޯޓް ކުރަން ޖެހުމުގެ ކުރިން މަދުވެގެން ތިން އަހަރު ވަންދެން މަސައްކަތް ކުރަން ޖެހޭ ކަމަށް ސައިންޓިސްޓުން ގަބޫލުކުރެއެވެ. މިއީ، ހަމަގައިމުވެސް، ހަމަ އަޅުގަނޑުމެންނަށް ފެނުނު ލޮނުފެނާއި ގުޅޭ އެންމެ ފަހުގެ ތަރައްޤީއެވެ.

ލޮނުފެން ބޯފެނަށް ބަދަލުކުރެވޭނެ ގޮތްތައް ވެސް ދިރާސާވެރިން ދަނީ އިތުރަށް ދިރާސާކޮށް ހޯދަމުންނެވެ. އެއީ އަޅުގަނޑުމެންގެ ޕްލެނެޓްގައި އެންމެ ގިނައިން ފެނުގެ މަސްދަރަކީ ކަނޑަށް ވާތީއެވެ. އެގޮތުން، އެ ފެން ބޭނުންކުރެވޭނެ ގޮތްތައް ހޯދުމަކީ އެކި ދާއިރާތަކުގެ ދިރާސާވެރިންގެ އަމާޒަކަށް ވަނީ ވެފައެވެ.