މުޅި ދުނިޔެއަށް ނަޒަރު ހިންގާލި ނަމަވެސް މިވަގުތު އެންމެ ގިނަ ބަޔަކަށް އެނގޭ، އެންމެ މަޝްޙޫރު ފުޓުބޯޅަ ކުލަބަކީ ސައުދީ އަރަބިއްޔާގެ ޕްރޮފެޝަނަލް ލީގުގެ ކުލަބު އަލް ނަޞްރުކަމަށް އެ ކުލަބުގެ ސީއީއޯ ގުއިޑޯ ފިއެންގޯ ބުނެފިއެވެ.

އަލް ނަޞްރު ކުލަބާއި ގުޅުވާ މިފަދަ ވާކަހައެއް ބުނުމަކީ ބައެއް ފަރާތްތަކަށް ހަޖަމް ކުރަން އުނދަގޫ ވާނޭ ވާހަކައެއް ކަމަށާއި އެހެން ނަމަވެސް ހަގީގަތްވާނީ ހަގީގަތަކަށް ކަމަށް ފިއެންގޯ ބުންޏެވެ.

ފިއެންގޯ ބުނީ މިއީ ޤަބޫލުކުރަން ދަތި ނަމަވެސް ޙަޤީޤަތެއްކަމަށެވެ. އަދި ޕޯޗުގަލް ކެޕްޓަން ކްރިސްޓިއާ ރޮނާލްޑޯއަކީ މިވަގުތު ވެސް ދުނިޔޭގައި ހުރި އެންމެ މޮޅު ފުޓުބޯޅަ ކުޅުންތެރިޔާކަމީ އެއްވެސް މީހަކަށް ދެބަސްވެވެން އޮތް ކަމައެއް ނޫން ކަމަށެވެ. އަދި އެ މޮޅު ބަޡަލް ރޮނާލްޑޯ ސައުދީ ލީގުގައި ކުޅޭތަން ބެލުމަކީ ވެސް ގިނަ ބަޔަކަށް ހަޖަމް ކުރަން ދަތިކަމެއްކަމަށެވެ. ނަމަވެސް މިކަމާ ކިތަންމެ ހިތްދަތިވިޔަސް ރޮނާލްޑޯ ކުޅެނީ ހަމަ އަލް ނަޞްރުގެ ޖޯޒީގައި ސައުދީ ލީގުގައިކަމަށް އޭނާ ބުންޏެވެ.

ގުއިން ފިއެންގޯ

އަލް ނަޞްރު ދުނިޔޭގެ އެންމެ މަޝްޙޫރު ކުލަބަށް ވުމުމުގެ އެންމެ ބޮޑު މޭސްތިރިއަކީ ވެސް ޕޯޗުގަލް ތަރި އަދި ދުނިޔޭގައި މިވަގުތުވެސް ހުރި އެންމެ މޮޅު ފުޓޫބޯޅަ ކުޅުންތެރިޔާ ކްރިސްޓިއާނޯ ރޮނާލްޑޯ އެ ކުލަބުގައި ހުރުންކަމަށް އޭނާ ބުނެފައިވެއެވެ.

"މިވަގުތު ދުނިޔޭގެ އެންމެ މަޝްޙޫރު ފުޓުބޯޅަ ކުޅުންތެރިޔަކީ ޕޯޗުގަލް ކެޕްޓަން ކްރިސްޓިއާނޯ ރޮނާލްޑޯ. އަދި ސުނިޔޭގެ އެންމެ މަޝްހޫރު ކުލަބަކީވެސް ރޮނާލްޑޯގެ އަލް ނަޞްރު. މިއީ ދެބަސްވެވެން ނެތް ހަގީގަތެއް," ގުއިޑޯ ފިއެންގޯ ސައުދީގެ މީޑިއާއަކަށް ދިން ބަސްދީގަތުމެއްގައި ބުނެފައިވެއެވެ.

އުމުރުން 39 އަހަރުގެ ރޮނާލްޑޯ އަކީ އަލް ނަޞްރުގެ ކެޕްޓަނެވެ. ރޮނާލްޑޯ ސައުދީގެ އަލް ނަޞްރާއި ގުޅުނީ 2022 ވަނަ އަހަރުގެ ޑިސެމްބަރުގައެވެ. އޭނާ އެ ކުލަބާއި ގުޅުނީ ދުނިޔޭގެ ރެކޯޑް ފީއަކަށެވެ. އަދިވެސް ދުނިޔޭގައި ހުރި އެންމެ ބޮޑު މުސާރަ ލިބޭ ކުޅުންތެރިއަކީ ރޮނާލްޑޯއެވެ.