އެން.އޭ.ޕީ ގްލޯބަލް ނެޓްވޯކަށް މިނިސްޓަރ އޮފް ކްލައިމެޓް ޗޭންޖް އެންވަޔަރަންމަންޓް، އެންޑް އެނާރޖީ،އޮނަރަބަލް ޠާރިޤް އިބްރާހީމް ޝުކުރު އަދާކުރައްވައިފިއެވެ.

މޫސުމަށް އަންނަ ބަދަލުތަކާ ގުޅޭ ގޮތުން މިހާރު ކުރިއަށްދާ ކޮޕް29 ބައްދަލުވުމުގައި ރާއްޖެ ތަމްސީލުކުރައްވަމުން ގެންދަވާ މިނިސްޓަރ ޠާރިޤް ވިދާޅުވީ، ވޭތުވެދިޔަ 10 އަހަރު ތެރޭގައި ގައުމުތަކުގެ މޫސުމަށް އަންނަ ބަދަލުތަކާ އެއްގޮތަށް ހިންގާ މަޝްރޫޢުތަކަށް އެހީތެރިވެދިނުމުގައި އެން.އޭ.ޕީ ގްލޯބަލް ނެޓްވޯކުން ވަރަށް މުހިންމު ދައުރެއް އަދާކޮށްފައިވާ ކަމަށެވެ. އެ ނެޓްވޯކުގެ މަސައްކަތްތަކަށް މިނިސްޓަރ ތައުރީފު ކުރައްވައި، ޝުކުރުވެރިކަން ފާޅުކުރެއްވިއެވެ.

"މޫސުމަށް އަންނަ ބަދަލުތަކާ ގުޅިގެން ކުރިމަތިވާ ގޮންޖެހުންތަކަށް ތައްޔާރުވުމަށް ކުރަން ޖެހޭ މަސައްކަތްތަކުގައި އެން.އޭ.ޕީ ގްލޯބަލް ނެޓްވޯކުން ދެއްވާ އެހީތެރިކަމަކީ ވަރަށް އަގުހުރި އެހީތެރިކަމެއް،" މިނިސްޓަރ ޠާރިޤް ވިދާޅުވިއެވެ.