ޔުއެފާ ނޭޝަންސް ލީގުގައި 2-1 އިން ޑެންމާކް ބަލިކޮށް ގްރޫޕްގެ އެއްވަނަ އަށް ދުނިޔޭގެ ޗެމްޕިއަން ސްޕެއިން ޖެހިލައިފިއެވެ.

މެޗުގައި ސްޕެއިންގެ ދެ ލަނޑު ކާމިޔާބުކުރީ އޮޔާޒަބާލް އަދި އަޔޯޒީ ޕެރޭޒްއެވެ. ފުރަތަމަ ލަނޑު ޖަހަން ފުރުޞަތު ތަނަވަސްކޮށްދީ ދެވަނަ ލަނޑު ޖެހީ އަޔޯޒީ ޕެރޭޒްއެވެ. ޑެންމާކްގެ ހަމައެކަނި ލަނޑު 84 ވަނަ މިނިޓްގައި ޖެހީ ގުސްޓާވް އިސަކްސެންއެވެ.

ލަނޑު ޖެހުމަށްފަހު ސްޕެއިން ކުޅުންތެރިން އުފާފާޅުކުރަނީ

މެޗަށް ނުކުތް އިރުވެސް ޔޫރަޕްގެ ގަދަބާރު އޮތީ ކުއާޓާ ފައިނަލުން ޖާގަ ކަށަވަރުކޮށްފައެވެ. އެކަމަކު ގްރޫޕްގެ އެއްވަނަ ޔަގީންވީ ޑެންމާކް އަތުން ހޯދި މޮޅާއެކުއެވެ. މެޗުން ބަލިވިޔަސް ކްއާޓާ ފައިނަލަށް ދިއުމުގެ ފުރުޞަތު ޑެންމާކަށް އަދި އެބައޮތެވެ. ޑެންމާކް މިވަގުތު އޮތީ ދެވަނައިގައެވެ. ކުރިއަށް އޮތީ ސާބިއާ ދެކޮޅަށް ޑެންމާކް ކުޅޭ މެޗެވެ.

ލީގު އޭގެ ގްރޫޕް 4 ގެ އެއްވަނައިގައި ސްޕެއިން އޮތީ ފަސް މެޗުން 13 ޕޮއިންޓާއެކުއެވެ. ދެވަނައިގަ ޑެންމާކް އޮތީ ހަތް ޕޮއިންޓާއެކުއެވެ. ސާބިޔާ ތިންވަނައިގަ އޮތީ ފަސް ޕޮއިންޓާ އެކުއެވެ.