"އީސްޓްއެންޑާސް، ކޮރޮނޭޝަން ސްޓްރީޓް" އިން މަޝްހޫރުވި އިނގިރޭސި އެކްޓަރު ޓިމޮތީ އުމުރުން 90 އަހަރުގައި މަރުވެއްޖެ އެވެ

ލަންޑަންގެ ޕްރޮޑަކްޝަންތަކުގެ ތެރޭގައި "ހެންރީ އައިވީ" އާއި "ކިންގް ލިއާ" ފަދަ ޑްރާމާތަކުގައި ޝޭކްސްޕީއާރުގެ ރޯލުން ފެނިގެންދިޔަ އިނގިރޭސި ސްޓޭޖް އަދި ސްކްރީން ލޫމިނަރީ ޓިމޮތީ ވެސްޓް އުމުރުން 90 އަހަރުގައި މަރުވެފައިވާކަން އޭނާގެ އާއިލާއިން ކަށަވަރުކޮށްދީފި އެވެ.

އޮކްޓޯބަރު 20، 1934 ގައި އިނގިރޭސިވިލާތުގެ ބްރެޑްފޯޑަށް އުފަން ވެސްޓް އަކީ ޕާފޯމިން އާޓްސްގެ ދާއިރާއިން ކެރިއަރ ބިލްޑްކުރި މީހެކެވެ. ވެސްޓް ވަނީ 60 އަހަރަށް ވުރެ ގިނަ ދުވަހު މަޝްހޫރު އެކްޓަރެއްގެ ގޮތުގައި ހޭދަކޮށްފަ އެވެ.

އޭނާގެ ފުރަތަމަ އަހަރުތައް ހޭދަކުރީ ތިއޭޓަރުގަ އެވެ. އަދި 1959 ވަނަ އަހަރު ލަންޑަންގެ ސްޓޭޖަށް ނުކުތުމުގެ ކުރިން ވިމްބަލްޑަން ތިއޭޓަރުގައި އެސިސްޓެންޓް ސްޓޭޖް މެނޭޖަރެއްގެ މަގާމު އަދާކުރި އެވެ.

ސަތޭކަ ފަންސާހަށް ވުރެ ގިނަ ފިލްމީ އަދި ޓީވީ އުފެއްދުމުގައި ހަރަކާތްތެރިވެފައިވާ ވެސްޓް އެންމެ ބޮޑަށް މަޝްހޫރުވެފައިވަނީ އިނގިރޭސި ޑްރާމާ ސީރީޒްތައް ކަމަށްވާ “ބްރާސް”، “ކޮރޮނޭޝަން ސްޓްރީޓް”، “އީސްޓްއެންޑާސް” އަދި “ޖެންޓްލްމަން ޖެކް” ފަދަ ސީރީޒްތަކުންނެވެ.

ވެސްޓުގެ ތިން ދަރިންނާއި 61 އަހަރުގެ އަނތްބަކު ދުނިޔޭގައި އެބައިނެވެ.