ސޯޝަލް މީޑިއާ ޕްލެޓްފޯމް އެކްސް އާ ދެކޮޅަށް ޝަރީޢަތަށް ދިއުމަށް ފްރާންސްގެ ބޮޑެތި ނޫސްތަކުން ނިންމައިފިއެވެ.

މިގޮތުން ލޮ މޮންޑް، ލޮ ފިގަރޯ އަދި ލޮ ޕެރިޒިއަން ފަދަ މަޝްހޫރު ނޫސްތަކުން އެކްސްއިން އެ ނޫސްތަކުގެ ޚަބަރުތައް ބޭނުންކުރާތީ، އެކަމަށް ބަދަލު ހޯދުމަށް މަސައްކަތް ކުރަން ވަނީ ފަށައިފައެވެ.

ޔޫރަޕިއަން ޔޫނިއަންގެ ޤާނޫނުގައިވާ ގޮތުން ޑިޖިޓަލް ޕްލެޓްފޯމްތަކުން ނޫސްތަކުގެ ޚަބަރުތައް ބޭނުންކުރާނަމަ، އެކަމަށް ބަދަލު ދިނުމަށް ވާހަކަ ދައްކަންޖެހެއެވެ. މިގޮތުން މެޓާ އަދި ގޫގުލް އިން ވަނީ ފްރާންސްގެ ނޫސްތަކާއެކު އެއްބަސްވުންތަކެއްގައި ސޮއިކޮށްފައެވެ. ނަމަވެސް އެކްސްއިން ވަނީ ނޫސްތަކާއެކު މަޝްވަރާކުރުމަށް އިންކާރުކޮށްފައެވެ.

އެކްސްގެ ސީއީއޯ ލިންޑާ

މިކަމާ ގުޅިގެން އެކްސްގައި ހިއްސާކުރެވޭ ޚަބަރުތަކުގެ ޕްރިވިއުތަކުގެ އަގު ކަނޑައެޅުމުގެ މުހިންމު މަސައްކަތާ ޕެރިސް ކޯޓު އޮފް ޖަސްޓިސްގެ ފަނޑިޔާރުން މިހާރު ވަނީ ކުރިމަތިލާންޖެހިފައެވެ. ފްރާންސްގެ ނޫސްތަކުން އެއްގަލަކަށް އަރައިގެން މިގޮތަށް ކަމެއްގައި އެއްބަސްވަނީ މަދު ފަހަރެއްގަ އެވެ.