ބޭންކް އޮފް މޯލްޑިވްސް (ބީއެމްއެލް)އިން ބައެއް ކަހަލަ މަރަމާތުގެ މަސައްކަތްކުރާތީ އެ ކުންފުނިން ފޯރުކޮށްދޭ ބައެއް ހިދުމަތްތަކަށް މާދަމާ ބުރޫއަރާނެކަމަށް އެ ބޭންކުން ބުނެފިއެވެ. 

ބީއެމްއެލްއިން ބުނީ މިރޭ މެންދަމު 2:00 އިން ފެށިގެން މާދަމާ ހެނދުނު 8:00 އާ ދެމެދުގައި އެ ކުންފުނީގެ އޭޓީއެމް ހިދުމަތްތަކާއި ކާޑުތަކުގެ ހިދުމަތުގެ އިތުރަށް ޕީއޯއެސް މެޝިންތަކާއި ޕޭމެންޓު ގޭޓުވޭގެ ހިދުމަތްތަކަށް ބުރޫއަރާނެ ކަމަށެވެ. 

އޭގެ އިތުރަށް ބީއެމްއެލްއިން ފޯރުކޮށްދޭ އިންޓަނެޓް ބޭންކިން އަދި މޯބައިލް އެޕްލިކޭޝަނާއި ފަވަރަ ހިދުމަތްތަކަަށް ހެނދުނު 6:00 އާއި 10:00 އާ ދެމެދުގައި ގަޑިއިރެއްހައިއިރަށް ބުރޫއަރާނެ ކަމަށެވެ. 

ބޭންކުންވަނީ ހިދުމަތަށް ބުރޫއެރުމާ ގުޅިގެން ކަސްޓަމަރުންނަށް ކުރިމަތިވެދާނެ ދަތިތަކާ ގުޅިގެން މައާފަށް އެދިފައެވެ.