ENGLISH

03 އޭޕްރީލު 2025

Advertisement

ދެވަނަ މެޗުން ވެސް މުމްބާއީ ބަލިވެއްޖެ

30 މާރިޗު 2025

|

މުޙައްމަދު އަދުހަމް

މުމްބާއީގެ ކުޅުންތެރިއަކު ނުބައިކޮށްލުމަށްފަހު ގުޖުރާތުގެ މުޙައްމަދު ސިރާޖް (ވ) އާއި ޕްރަސިދު ކްރިޝްނާ (މ) އުފާ ފާޅުކުރަނީ. --ފޮޓޯ: އޭއެފްޕީ / ގެޓީ އިމޭޖަސް

އިންޑިއަން ޕްރިމިއަރ ލީގު (އައިޕީއެލް) ގައި ރޭ ގުޖުރާތު ޓައިޓަންސް އަތުން މުމްބާއީ އިންޑިއަންސް ބަލިވެއްޖެއެވެ.

މިއީ މި ފަހަރުގެ މުބާރާތުގައި މުމްބާއީ ބަލިވި ދެވަނަ ފަހަރެވެ. ފުރަތަމަ މެޗުގައި ބަލިވި ގުޖުރާތުގެ މިއީ ފުރަތަމަ މޮޅެވެ.

މި މެޗުން ގުޖުރާތު މޮޅުވީ 36 ލަނޑުންނެވެ.

އަހުމަދުއާބާދުގައި ހުންނަ ނަރެންދުރަ މޯދީ ސްޓޭޑިއަމްގައި ކުޅުނު މެޗުގެ ޓޮސް ދިމާވުމުން މުމްބާއީ އިން ގަސްދުކުރީ ހޮވަން އަރާށެވެ. ގުޖުރާތުން ކުޅެން އަރައި، 20 އޯވަރުގެ ތެރޭގައި އަށް ވިކެޓަށް 196 ލަނޑު ހެދިއެވެ.

ގުޖުރާތުން އެންމެ ރަނގަޅަށް ކުޅުނު ސާއި ސުދަރްސަން ވަނީ 41 ބޯޅައިން 63 ލަނޑު ހަދައިފައެވެ. ދެން އެންމެ ރަނގަޅަށް ކުޅުނީ 24 ބޯޅައިން 39 ލަނޑު ހެދި ވިކެޓްކީޕަރު ބެޓްސްމަން، ޖޮސް ބަޓްލާ އެވެ. މި އިނިންގްސްގައި މުމްބާއީ އިން އެންމެ ރަނގަޅަށް އުކީ ދެ ވިކެޓްނެގި ހާޑިކް ޕާންޑްޔާ އެވެ.

ރައްދުގައި ކުޅެން އެރި މުމްބާއީ އިން 20 އޯވަރުގެ ތެރޭގައި ހަ ކުޅުންތެރިން ނުބައިވެގެން ހެދުނީ 160 ލަނޑެވެ. އެންމެ ރަނގަޅަށް ކުޅުނީ 28 ބޯޅައިން 48 ލަނޑުހެދި ސޫރްޔަކުމާރް ޔާދަވް އެވެ. މި އިނިންގްސްގައި ގުޖުރާތުން އެންމެ ރަނގަޅަށް އުކީ މުޙައްމަދު ސިރާޖް އާއި ޕްރަސިދު ކްރިޝްނާ އެވެ. މިއިން ކޮންމެ ކުޅުންތެރިއަކު ދެ ވިކެޓްނެގިއެވެ. މެޗުގެ މޮޅު ކުޅުންތެރިއަކަށް ހޮވުނީ ވެސް ގުޖުރާތުގެ ޕްރަސިދު ކްރިޝްނާ އެވެ.

މުބާރާތުގައި މިއަދު ކުޅުމަށް ހަމަޖެހިފައިވާ ދެ މެޗުގެ ތެރެއިން ފުރަތަމަ މެޗުގައި ދިއްލީ ކެޕިޓަލްސް ނުކުންނާނީ ސަން ރައިޒާސް ހައިދަރުއާބާދާ ދެކޮޅަށެވެ. އަނެއް މެޗުގައި ރާޖަސްތާން ރޯޔަލްސް ބައްދަލުކުރާނީ ޗެންނާއީ ސުޕަ ކިންގްސް އާ އެވެ.

ކިޔުންތެރިންގެ ހިޔާލު