ފިލްމު ކުޅުމާ ދުރަށް ދާން އުޅުމުން އެކަން ހުއްޓުވީ ދަރިފުޅު ކަމަށް ބޮލީވުޑްގެ މަޝްހޫރު ފިލްމްކުޅުންތެރިޔާ އާމިރް ހާން ބުނެފިއެވެ.

ހޮލީވުޑް ރިޕޯޓާ އިންޑިއާއަށް ދިން އިންޓަވިއުއެއްގައި އާމިރު ހާން ބުނެފައިވަނީ އޭނާގެ ފިލްމީ ކެރިއަރު ނިންމާލުމަށް އޭނާ  .

އޭނާ ބުނެފައިވަނީ ފިލްމު ލާލް ސިންގް ޗައްޑާ ރިލީޒް ކުރުމުގެ ކުރިން އޭނާ ވަރަށް އެކަނިވެރިކަން އިހުސާސް ކުރެވުނު ކަމަށެވެ. އަދި އާއިލާ އާއި އެހެން ގާތް މީހުންނަށް ވަގުތު ނުދެވޭކަން އިހުސާސް ކުރެވުނު ކަމަށެވެ. އެހެން ކަމުން އާއިލާ އަށް ގުޅާ ފިލްމު ކުޅުން ހުއްޓާލަން ނިންމި ކަމަށް ބުނުމުން އެންމެނަށް ސިހުން ލިބުނު ކަމަށެވެ.

މިހަބަރު އިވުމުން އާމިރްގެ ދަރިން ކަމުގައިވާ ޖުނައިދް އާއި އިރާ އާމިރުގެ ކިބައިން އެދުނީ ފިލްމީ ދާއިރާއާ ދުރަށް ނުދިޔުމަށެވެ. އަދި ޖުނައިދު ވަނީ ކޮންމެ ތަނެއްގައި ހުރި ކަމުގައި ވީ ނަމަވެސް އާއިލާ އާއެކު ވަގުތު ހޭދަކުރެވިދާނެ ކަމަށް ބުނެ ފިލްމީ ދާއިރާއާ އަލްވަދާއު ނުކިޔުމަށް އެދިފައެވެ.

އާމިރް އެންމެ ފަހުން ފެނިގެން ގޮސްފައިވަނީ އަދްވެއިތް ޗަންދަން އުފައްދާފައިވާ ފިލްމެއް ކަމަށްވާ ފިލްމު ލާލް ސިންގް ޗައްޑާއިންނެވެ. މި ފިލްމުގައި އާމިރްގެ އިތުރުން ފެނިގެން ގޮސްފައިވަނީ ކަރީނާ ކަޕޫރު، މޯނާ ސިންގް އަދި ނާގާ ޗެއިތަންޔާއެވެ.