ENGLISH

04 އޭޕްރީލު 2025

Advertisement

ޖެހިޖެހިގެން ހަތަރުވަނަ ފަހަރަށް ހުޅުމާލެ ވެޓެރަންސް ޗެމްޕިއަންކަން ހޯދައިފި

27 މާރިޗު 2025

|

މުޙައްމަދު އަދުހަމް

ހުޅުމާލެ ވެޓެރަންސް ކުލަބް، ޗެމްޕިއަން ޓްރޮފީއާއެކު. --ފޮޓޯ: ކުޅިވަރާއި ހަށިހެޔޮކަމާ ބެހޭ ވުޒާރާ

އެފްއޭއެމް ވެޓެރަންސް ލީގުގެ ފައިނަލުގައި މިއަދު ހަވީރު ވިލިމާލެ ޔުނައިޓެޑް 2-0 އިން ބަލިކޮށް، ހުޅުމާލެ ވެޓެރަންސް ކުލަބުން ޗެމްޕިއަންކަން ހޯދައިފިއެވެ.

މިއީ އެ ޓީމުން ޖެހިޖެހިގެން މި މުބާރާތް ކާމިޔާބުކުރި ހަތަރުވަނަ ފަހަރެވެ.

މިއަދު ހަވީރު މާފަންނު ޓާފް ދަނޑުގައި ކުޅުނު މެޗުގައި ހުޅުމާލެ ވެޓެރަންސްގެ ލަނޑުތައް ޖަހައިދިނީ އަލީ ރިޝްވާން އަހުމަދު އާއި ފަރުހާދު އިސްމާއިލް އެވެ.

ފައިނަލް މެޗަށް ފަހު ވަނަތަކަށް ހޮވުނު ފަރާތްތަކަށް އިނާމުދިންއިރު، ޝަރަފުވެރިކޮށްދެއްވީ، ކޮމިޝަނަރ އޮފް ސްޕޯޓްސް، މުޙައްމަދު ޠަލާލް އެވެ.

ޗެމްޕިއަން ޓީމަށާއި، ރަނަރަޕް ޓީމަށް އިނާމާއި މެޑެލް ހަވާލުކޮށްދެއްވީ ވެސް ކޮމިޝަނަރ އޮފް ސްޕޯޓްސް، ޠަލާލް އެވެ.

މުބާރާތުގެ އެންމެ މޮޅު ކުޅުންތެރިޔާގެ މަގާމާއި، އެންމެ ގިނަ ލަނޑުޖެހި ކުޅުންތެރިޔާއަށްދޭ ރަންބޫޓް ހާސިލްކުރީ، ހުޅުމާލެ ވެޓެރަންސްގެ ފޯވާޑް، ހުސެއިން ޝިމާޒް (ކޮކީ) އެވެ.


ކިޔުންތެރިންގެ ހިޔާލު