ENGLISH
04 އޭޕްރީލު 2025
ސާންތީގެ ހަނދާނުގައި ތަޢުޒިޔާގެ ދަފުތަރެއް ހުޅުވައިފި
27 މާރިޗު 2025
|
މަރްހޫމް އިހްސާން އަބްދުލްޣަނީގެ ހަނދާނުގައި ހުޅުވި ތަޢުޒިޔާގެ ދަފްތަރުގައި ކުޅިވަރާއި ހަށިހެޔޮކަމާ ބެހޭ ވަޒީރު، އަބްދުﷲ ރާފިޢު ސޮއިކުރައްވަނީ. --ފޮޓޯ: ކުޅިވަރާއި ހަށިހެޔޮކަމާ ބެހޭ ވުޒާރާ
އެންމެ މަޤްބޫލު
މި މަހުގެ 22 ވަނަ ދުވަހުގެ ރޭ ނިޔާވި ރާއްޖޭގެ ފުޓްބޯޅައަށް ގިނަ ޚިދުމަތްތަކެއް ކޮށްދެއްވި ކޯޗު، އިހުސާން އަބްދުލްޣަނީ (ސާންތީ) ގެ ތަޢުޒިޔާގެ ދަފްތަރެއް ގަލޮޅު ފުޓުބޯޅަ ދަނޑުގައި ހުޅުވައިފިއެވެ.
ސާންތީ ކޯޗު ނިޔާވި އިރު އޭނާ ގެންދިޔައީ ކެންސަރަށް ފަރުވާ ހޯއްދަވަމުންނެވެ. ސާންތީ ކޯޗު ނިޔާވިއިރު އުމުރަކީ 51 އަހަރެވެ.
ސާންތީ ކޯޗުގެ ތަޢުޒިޔާގެ ދަފްތަރެއް ހުޅުވާފައިވަނީ މިއަދު ގަލޮޅު ރަސްމީ ދަނޑުގައި މިކަމަށް ހާއްސަކޮށްގެން ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ސާންތީ ކޯޗުގެ އާއިލާ މެމްބަރުންނާއި ގިނަ އަދަދެއްގެ ކޯޗުންނާއި ކުޅުންތެރިންގެ އިތުރުން ރާއްޖޭގެ ކުޅިވަރު އާއިލާގެ ގިނަ ބަޔަކު ބައިވެރިވިއެވެ. އެންމެ ފުރަތަމަ މި ދަފުތަރުގައި ލިއުއްވާފައިވަނީ ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު އެވެ.
ރާއްޖޭގެ ކުޅިވަރަށް ހިދުމަތްކޮށްދެއްވާފައިވާ އިއްޒަތްތެރިންނާއި، ކުރީގެ ކޯޗުންގެ އިތުރުން އިހުގެ ކުޅުންތެރިންނާއި މިހާރުގެ ގައުމީ ޓީމުގެ ކުޅުންތެރިން ވެސް މި ތަޢުޒިޔާގެ ދަފްތަރުގައި ބައިވެރިވެ، ލިޔެފައިވެއެވެ.
ސާންތީ އަކީ ރާއްޖޭގައި އުފެދުނު އެންމެ މޮޅު އެއް ފުޓުބޯޅަ ކޯޗެވެ. ވަރަށް ގިނަ ދުވަސްތަކެއް ވަންދެން ރާއްޖޭގެ ފުޓްބޯޅަ ޓީމުގެ އެސިސްޓެންޓް ކޯޗުކަން ކޮށްފައިވެ އެވެ.
އެންމެ ފަހުން ހުންނެވީ ޔުނައިޓެޑް ވިކްޓްރީގެ ކޯޗަކަށެވެ. ކުލަބް އީގަލްސްގެ ކޯޗެއްގެ ގޮތުގައި ވަރަށް ދިގު މުއްދަތަކަށް ހުންނެވި އެވެ. އެ ޓީމަށް ބޮޑެތި ކާމިޔާބީތަކެއް ހޯއްދަވައި ދެއްވި އެވެ.
ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ޓެކްނިކަލް ޑައިރެކްޓަރުކަން ވެސް ކުރި ސާންތީ ވަނީ ކުޅިވަރަށް ޚިދުމަތް ކުރުމުގެ ދާއިރާއިން ޒުވާނުންގެ ޤައުމީ އިނާމް ހާޞިލުކުރައްވާފައެވެ.