ENGLISH
03 އޭޕްރީލު 2025
މޯލްޑިވިއަންގެ ސީޕްލޭންގެ ދަތުރުތައް ހަފްތާއަކު ދެފަހަރު ބ.ފުޅަދުއަށް
27 މާރިޗު 2025
|
ފޮޓޯ: މޯލްޑިވިއަން
އެންމެ މަޤްބޫލު
ޢީދު ބަންދާ ދިމާކޮށް، ޤައުމީ އެއާރލައިން މޯލްޑިވިއަނުން ހަފްތާއަކު ދެފަހަރު ބ. ފުޅަދުއަށް ދަތުރުތައް ކުރާނެކަމަށް އެ އެއާރލައިނުން ބުނެފިއެވެ.
މި ދަތުރުތައް މި މަހުގެ 31 ވަނަ ދުވަހު ފަށާނެ ކަމަށް އެ އެއާރލައިނުން މައުލޫމާތު ދެއެވެ. އަދި މި ދަތުރުތައް އޮންނާނީ ކޮންމެ ހަފުތާއެއްގެ ބުރާސްފަތި ދުވަހާއި ހޮނިހިރު ދުވަހުކަމަށާއި މިހާރު މި ދަތުރުތަކުގެ ޓިކެޓްވަނީ ވިއްކަން ފަށައިފައި ކަމަށްވެސް މޯލްޑިވިއަނުން ބުނެއެވެ.
ކޮންމެ އަހަރުކުވެސް ޢީދު ބަންދާ ދިމާކޮށް މޯލްޑިވިއަނުން، އެތެރޭގެ އުދުހުންތަކުގެ ޑިމާންޑަށް ބެލުމަށްފަހު ދަތުރުތައް އިތުރުކުރެއެވެ. މި ދަތުރުތަކާއެކު ބ. އަތޮޅަށް އެއެއަރލައިނުން ކުރާ ދަތުރުތައް ފުޅާވެގެންދާނެކަމަށާއި އެގޮތުން ބ. ފުޅަދޫ ކައިރީގައި އޮންނަ ބ. ފެހެންދޫ އަދި ބ. ގޮއިދޫއަށްވެސް ދަތުރުކުރަން ބޭނުން ފަރާތްތަކަށް މިއީ ލިބިގެންދާނެ ބޮޑު ފަސޭހައެއް ކަމަށް މޯލްޑިވިއަނުން ބުނެއެވެ.
އަދި އިތުރު މައުލޫމާތު ހޯދުމަށާއި ޓިކެޓް ގަތުމަށް މޯލްޑިވިއަންގެ ވެބްސައިޓުން ނުވަތަ 24 ގަޑިއިރު ޚިދުމަތްދޭ ކޯލް ސެންޓަރުގެ ނަންބަރު 1671 އަށް ގުޅުމަށް މޯލްޑިވިއަނުން ވަނީ އެދިފައެވެ.