ENGLISH
04 އޭޕްރީލު 2025
އާޖެންޓީނާ ބަލިކޮށް، ފާޑުކިޔާ މީހުންނަށް ބްރެޒިލުން ރަނގަޅު ރައްދެއް ދޭން ބޭނުންވޭ
24 މާރިޗު 2025
|
ބްރެޒިލްގެ ކޯޗު، ޑޮރިވާލް ޖޫނިއާ. --ފޮޓޯ: ރޮއިޓާސް
އެންމެ މަޤްބޫލު
ދެކުނު އެމެރިކާގެ ވޯލްޑް ކަޕް ކޮލިފައިންގައި އާޖެންޓީނާއާ ދެކޮޅަށް ކުޅުމަށް ހަމަޖެހިފައިވާ މެޗު ކާމިޔާބުކޮށްގެން ފާޑުކިޔާ މީހުންނަށް ރަނގަޅު ރައްދެއް ދޭން ބޭނުންވާ ކަމަށް ބްރެޒިލްގެ ކޯޗު، ޑޮރިވާލް ޖޫނިއާ ބުނެފިއެވެ.
ބްރެޒިލްގެ ކޯޗު، ޑޮރިވާލް ޖޫނިއާ މިހެން ބުނީ، މެޗުގެ ކުރީން ބޭއްވި ނޫސްވެރިންގެ ބައްދަލުވުމުގައެވެ.
ޑޮރިވާލް ބުނީ، އޭނާގެ ޓީމުން މި ނިކުންނަން ޖެހެނީ ދެކުނު އެމެރިކާ އާއި ދުނިޔޭގެ ޗެމްޕިއަންކަން ހޯދާފައިވާ ފަހަކަށްއައިސް ފުޓްބޯޅައިގައި އެންމެ ބޮޑު ކާމިޔާބީއެއް ހޯދާފައިވާ ޓީމާ ދެކޮޅަށް ކަމަށެވެ. އެހެންކަމުން، އެ މެޗަކީ ހުރިހާ ގޮތަކުން ވެސް ބްރެޒިލަށް އުނދަގޫވާނެ މެޗެއް ކަމަށެވެ.
"އާޖެންޓީނާގެ ދަނޑުގައި އެ ޓީމު ބަލިކުރެވޭނީ އަހަރެމެންގެ އެންމެ މޮޅު ކުޅުން ދައްކައިގެން،" ޑޮރިވާލް ޖޫނިއާ ބުންޏެވެ.
ޑޮރިވާލް ޖޫނިއާ ބުނީ، ބްރެޒިލަކީ އަބަދުވެސް ކަންކަމުގައި ފާޑުކިޔުމަށް ލޯބިކުރާ ގައުމެއް ކަމަށާއި، އެކަމާ ލަދުގަތް ނަމަވެސް ހަގީގަތަކީ އެއީ ކަމަށެވެ.
އަދި، މެޗެއްގައި ކަންތައްތައް ހިނގާ ގޮތުން ގިނަ ފަހަރު ލިބެންޖެހޭ އިހުތިރާމާއި ލޯބި ވެސް ނުލިބޭ ކަމަށް ޑޮރިވާލް ޖޫނިއާ ފާހަގަކުރިއެވެ. އެކަމަކު، ޒަމާނާ އެއްކޮށް ކަންކަން ބަދަލުވަމުންދާ ކަމަށް ޑޮރިވާލް ޖޫނިއާ ވަނީ ބުނެފައެވެ.
ފުޓްބޯޅައިގައި ކަންކަން ކުރިއަށްދާގޮތް ވަރަށް ރަނގަޅަށް އެނގޭ ކަމަށާއި، ޕްރެޝަރުގައި ނަތީޖާ ނެރުމަށް ކުރިމަތިލާންޖެހޭ ގޮންޖެހުންތަކުން އަރައިގަނެ އެކަމަށް ވަރަށް ގިނަ ފަހަރު މަސައްކަތްތަކެއް ކޮށްފައިވާ ކަމަށް ވެސް ޑޮރިވާލް ޖޫނިއާ ބުންޏެވެ.
ވޯލްޑް ކަޕަށް ކޮލިފައިވުމަށް ޖާގަ ކަށަވަރުކުރުމަށް ކުރާ މަސައްކަތުގައި ކުރިއަށް އޮތް މެޗުގައި ވާދަވެރި އާޖެންޓީނާއާ ދެކޮޅަށް ނިކުތުމަށް ހަމަޖެހިފައިވާއިރު، ބްރެޒިލަށް އެންމެ ފަހުން އެ ޓީމު އަތުން މޮޅުވެވިފައިވަނީ މީގެ ހަ އަހަރު ކުރީންނެވެ. އަދި، އާޖެންޓީނާގައި އެ ޓީމުގެ މައްޗަށް ބްރެޒިލަށް ކުރިނުހޯދޭތާ 16 ވަރަކަށް އަހަރުވެއްޖެއެވެ.
ކޮލިފައިންގައި އެންމެ ފަހުން ކުޅުނު މެޗުގައި ވަރުގަދަ ކޮލަމްބިއާގެ މައްޗަށް ހޯދީ މޮޅާއެކު ސަޕޯޓަރުން އިތުބާރު ހޯދައިދީފައިވާއިރު، ބްރެޒިލް އުޅެނީ ކޮލިފައިންގ ގްރޫޕުގެ ތިންވަނައިގައެވެ. އެ ޓީމަށް ލިބިފައިވަނީ 13 މެޗުން 21 ޕޮއިންޓެވެ. އެއްވަނައިގައި އުޅޭ އާޖެންޓީނާއާ ދެމެދު ހަތް ޕޮއިންޓްގެ ފަރަގެއް އޮތްއިރު، ދެވަނައިގައި އޮތް އެކުއޭޑޯ އަށް ލިބިފައިވަނީ 22 ޕޮއިންޓެވެ.
އާޖެންޓީނާއާ ބްރެޒިލް ބައްދަލުކުރާ މެޗު ކުޅޭނީ އަންނަ ބުދަ ދުވަހުގެ ފަތިހު 5 ޖަހާއިރު އެވެ.